ԵՐԵՎԱՆ, 25 մարտի — Sputnik. ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը հնարավոր է` կայանա Վիեննայում, ՌԻԱ Նովոստիին այս մասին հայտնել են Ավստրիայի մայրաքաղաքի դիվանագիտական աղբյուրները։
«ԵԱՀԿ ՄԽ համանախագահների միջնորդությամբ հանդիպումը կարող է կայանալ Վիեննայում մարտի 29-ին», – հայտնել է գործակալության զրուցակիցը։
Փաշինյանի մամուլի քարտուղար Վլադիմիր Կարապետյանը Sputnik Արմենիայի հետ զրույցում ո՛չ հերքեց, ո՛չ էլ հաստատեց այս տեղեկությունը։ Նա նշեց, որ ղեկավարների հանդիպման մասին հայտարարվում է համաձայնեցված կարգով։
Հիշեցնենք` վերջին անգամ ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը հանդիպել են հունվարին Դավոսում։
Ավելի վաղ Թեհրանում հայ համայնքի հետ հանդիպման ժամանակ Փաշինյանը նշել էր, որ մտադիր է առաջիկայում հանդիպել Ադրբեջանի նախագահի հետ։
