Ուսանողները թալանել են Apple-ին

© Sputnik / Евгения Новоженина / Անցնել ֆոտոբանկСтарт продаж iPhone X в России
Старт продаж iPhone X в России - Sputnik Արմենիա
Չինացի ուսանողները հազարավոր կեղծ iPhone-ները փոխարինել են նորերով։

ԵՐԵՎԱՆ, 3 ապրիլի — Sputnik. ԱՄՆ–ի Պորտլենդ քաղաքում սովորող Յանյան Չժոուն և Ցյուն Ցյանը 2017 թվականի ապրիլից մինչև 2018–ի մարտն ընկած ժամանակահատվածում Apple–ի սպասարկման կենտրոններ են տարել 3069 կեղծված հեռախոս։ Այս մասին հայտնում է NPR-ը։

Женщина со смартфоном проходит мимо магазина Samsung в Нижнем Манхэттене (11 октября 2016). Нью-Йорк - Sputnik Արմենիա
Samsung–ը «կոտրած սմարթֆոնի» պատերազմ է հայտարարել Apple-ին

Ուսանողները սարքերը հանձնել են վերանորոգման և ներկայացել հորինված անուններով, նույնը խնդրել են անել ծանոթներին։ Նրանցից մեկը նույնիսկ ներկայացել էր «Ապաչե Հելիքոփթեր» անվամբ, որն անգլերենից թարգմանաբար նշանակում է «Ապաչե ուղղաթիռ»։

Չինացիները վերանորոգված կամ նորով փոխարինված սմարթֆոններն ուղարկել են հայրենի Չինաստան և վաճառել` շահույթը պահելով իրենց։

Դատարանի փաստաթղթերի համաձայն` ուսանողներին հաջողվել է 1493 նոր հեռախոս կորզել Apple-ից, ինչի պատճառով ընկերության վնասը կազմել է 896,8 հազար դոլար։

Խարդախության ցանցը բացահայտել են ԱՄՆ–ի Մաքսային և Սահմանային վերահսկման ծառայության աշխատակիցները։ Ուսանողները նրանց ուշադրության կենտրոնում են հայտնվել, երբ նրանց անունով իրար հետևից 5 ծանրոց է եկել` կեղծված հեռախոսներով։ Ցուցմունք տալու ժամանակ ուսանողները հայտարարել են, որ իբր տեղյակ չեն եղել սմարթֆոնների կեղծված լինելու մասին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала