ԵՐԵՎԱՆ, 15 ապրիլի – Sputnik. Էջմիածին քաղաքի տներից մեկում 81-ամյա տղամարդու սպանությունը կատարած անձինք հայտնաբերվել են և ձերբակալվել: Sputnik Արմենիային այս մասին հայտնեց ՀՀ դատախազության հանրային կապերի բաժնի պետ Արեւիկ Խաչատրյանը։
«Սպանություն կատարող անձինք երկուսն են՝ աղջիկ եւ տղա` 1990 թվականին ծնված Մ. Խ.-ն, և 1971 թվականին ծնված Ղ. Մ.-ն»:
Հիշեցնենք, որ դեպքի առթիվ հարուցվել էր քրեական գործ ՀՀ ՔՕ-ի 104-րդ հոդվածի 2-րդ մասի 8-րդ կետով, այն է` շահադիտական դրդումներով սպանություն։
Էջմիածնում տեղի ունեցած սպանության մանրամասները. տղամարդը զբաղվում էր կոնյակի վաճառքով
Ավելի վաղ հայտնել էինք, որ ապրիլի 13-ին Էջմիածին քաղաքի տներից մեկում հայտնաբերվել էր 81-ամյա տղամարդու դի` ձեռքերն ու ոտքերը ժապավենով կապած, գլխին` բռնության հետքեր: Սպանվածի տունն ու խանութը տակնուվրա էր արված, գողացված էր նրա ավտոմեքենան:
Սպանվածը Էջմիածին քաղաքի Մաշտոցի 10 շենքի բնակչ 81-ամյա Գագիկ Բաղդասարյանն է:
