«Մանուշակ» մանկապարտեզում երեխային պատանդ վերցնելու մեջ մեղադրվողը 10 տարով ազատազրկվել է

© Sputnik / Karen YepremyanСитуация у армавирского детского сада
Ситуация у армавирского детского сада - Sputnik Արմենիա
Տղամարդը մեղավոր է ճանաչվել մի քանի հոդվածով և 10 տարվա ազատազրկման է դատապարտվել։

ԵՐԵՎԱՆ, 18 ապրիլի – Sputnik. «Մանուշակ» մանկապարտեզում մանկահասակ երեխային պատանդ վերցնելու, նախկին կնոջ տատի նկատմամբ սպանության փորձ կատարելու գործով ամբաստանյալ Արգամ Հովիկյանը դատապարտվել է 10 տարվա ազատազրկման:

Ситуация у армавирского детского сада - Sputnik Արմենիա
Արմավիրի մանկապարտեզում տեղի ունեցած ցնցող միջադեպը լուսանկարներով

Դատավճիռը ապրիլի 8–ին կայացրել է Արմավիրի մարզի ընդհանուր իրավասության դատարանի դատավոր Վահե Խալաթյանը։

Դատախազության հանրային կապերի բաժնի պետ Արեւիկ Խաչատրյանը Sputnik Արմենիային տեղեկացրեց, որ Հովիկյանը մեղավոր է ճանաչվել ՀՀ ՔՕ-ի 34-104-րդ հոդվածի 1-ին մասով, 113-րդ հոդվածի 1-ին մասով, 218-րդ հոդվածի 2-րդ մասի 3-րդ եւ 4-րդ կետերով եւ 235-րդ հոդվածի 4-րդ մասով նախատեսված արարքները կատարելու մեջ. այն է՝ սպանության փորձը, դիտավորությամբ ուրիշին առողջական միջին ծանրության վնաս հասցնելը, զենքի օգտագործմամբ անչափահասին պատանդ վերցնելը, ապօրինի կերպով գազային, սառը կամ նետողական զենք կրելը:

2017թ. հոկտեմբերի 30-ին՝ ժամը 16:00-ի սահմաններում, Արմավիրի բնակիչ Արգամ Հովիկյանը գնացել է «Մանուշակ» մանկապարտեզ, որտեղ կինը աշխատում է որպես դաստիարակչուհի՝ պահանջելով դուրս գալ՝ պատճառաբանելով, թե նրա հետ ցանկանում է առանձնազրույց ունենալ: Կինը հրաժարվել է կատարել տղամարդու պահանջը, ինչից հետո նա հանել է դանակը և, բռնություն գործադրելով, քարշ տալով փորձել է կնոջը դուրս բերել շենքից։

Ситуация у армавирского детского сада - Sputnik Արմենիա
Թե ինչու է տղամարդը դանակ հանել ու պատանդ վերցրել. Արմավիրի աղմկահարույց դեպքի մանրամասները

Տղամարդը դանակը դրել է կնոջ պարանոցին՝ փորձելով հարվածել, սակայն վերջինս բռնել է շեղբից, ապա նրանց է մոտեցել մանկապարտեզի տնօրենը։ Տղամարդը դանակով հարվածել է տնօրենին, որի հետևանքով վերջինս վնասվածք է ստացել պարանոցի և ականջի հատվածում, այնուհետև փորձել է կնոջը բռնությամբ տանել մանկապարտեզի ննջասենյակներից մեկը, սակայն օգնության հասած ազգականը հարվածել է տղամարդուն, ինչի հետևանքով կնոջը հաջողվել է դիմել փախուստի՝ ստանալով մարմնական վնասվածքներ: Ժամը 16։30-ի սահմաններում տղամարդը պատանդ է վերցրել մանկապարտեզի ննջասենյակում գտնվող ակնհայտ անչափահասին՝ մանկահասակ երեխային՝ նրան ազատ արձակելու համար իրավապահ մարմիններից պահանջելով հանդիպում կազմակերպել իր նախկին կնոջ հետ։

Բանակցությունների ընթացքում ոստիկանության ծառայողներին հաջողվել է երեխային անվնաս հանել սենյակից, ինչից հետո կիրառվել է հատուկ միջոց։ Պատանդառուն փորձել է վնասել իրեն, բայց ոստիկանները կանխել են նրա փորձը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала