Դա հսկայական հարված էր ոչ միայն հայ ժողովրդին, այլև մարդկային քաղաքակրթությանը. Փաշինյան

© Sputnik / Aram NersesyanПремьер-министр Никол Пашинян с супругой Анной Акопян в мемориальном комплексе Цицернакаберд (24 апреля 2019). Еревaн
Премьер-министр Никол Пашинян с супругой Анной Акопян в мемориальном комплексе Цицернакаберд (24 апреля 2019). Еревaн - Sputnik Արմենիա
Բաժանորդագրվեք
НовостиTelegram
Նիկոլ Փաշինյանն ընդգծել է, որ հայերի, հույների և ասորիների ցեղասպանությամբ անդառնալիորեն փոխվել է մի ողջ տարածաշրջանի մշակութային պատկերը։

ԵՐԵՎԱՆ, 24 ապրիլի — Sputnik.  Հայոց ցեղասպանության առանձնահատկություններից է այն, որ ցեղասպանության ենթարկված ժողովուրդը ոչ միայն բնաջնջվել է ֆիզիկապես, այլ նաև զրկվել է իր հայրենիքում ապրելու իրավունքից:

Այս մասին Ցեղասպանության 104–րդ տարելիցի կապակցությամբ հղած ուղերձում ասել է ՀՀ վարչապետ Նիկոլ Փաշինյանը։

Высшее руководство страны в мемориальном комплексе Цицернакаберд (24 апреля 2019). Еревaн - Sputnik Արմենիա
ՀՀ իշխանության ներկայացուցիչները միասին այցելել են Ցեղասպանության զոհերի հուշահամալիր

«Մեզ հետևողականորեն զրկել են այն հողից, որտեղ հազարամյակների ընթացքում ձևավորվել և զարգանում էր հայկական մշակույթը, հայկական ինքնությունը: Երկրի երեսից ջնջվել է հայկական ինքնությունը կազմող մշակութային ժառանգությունը՝ հազարավոր դպրոցներ, եկեղեցիներ և վանքեր: Ոչնչացվել են հայկական մշակույթի էության կրողները՝ նրա մտավորականությունն ու հոգևորականությունը: Դա հսկայական հարված էր ոչ միայն հայ ժողովրդին, նրա մշակույթին ու նրա մշակութաբանական տեսակին, այլ նաև մարդկային ողջ քաղաքակրթությանը: Անդառնալիորեն կորել է համաշխարհային մշակույթի մաս կազմող մի ուրույն և ինքնատիպ շերտ: Հայերի, հույների և ասորիների ցեղասպանությամբ անդառնալիորեն փոխվել է մի ողջ տարածաշրջանի մշակութային պատկերը։ Մի՞թե սա հանցագործություն չէր մարդկության դեմ»,–գրել է ՀՀ վարչապետը։

Նիկոլ Փաշինյանը հիշեցրել է, որ ոճրագործը ոչնչացրել է մեր պոետներին՝ նրանց, ովքեր կազմում էին մեր խիղճը, մեր ինքնության առանցքը։ Ուստի մեր շարունակական պայքարը մեր էության, մեր տեսակի պահպանության համար է։ «Մոռանալով նրանց հիշատակը, մոռանալով նրանց մշակութային ժառանգությունը՝ մենք կդավաճանենք մեր էությանը։ Նրանց հիշատակը վառ պահելով, պայքարելով արդարության վերականգնման համար՝ մենք ձեռք կբերենք անմահություն։ Ուստի մենք հետևողական ենք լինելու Հայոց ցեղասպանության միջազգային ճանաչման գործում»,–ասել է Փաշինյանը:

 

Լրահոս
0