ԵՐԵՎԱՆ, 26 Ապրիլ — Sputnik. Պետական վերահսկողական ծառայության պետի պաշտոնում Դավիթ Սանասարյանին ժամանակավորապես կփոխարինի նրա տեղակալ Արգիշտի Քարամյանը։ Այս տեղեկությունը Sputnik Արմենիային հաստատեցին ՊՎԾ–ից` նշելով, որ այդ նշանակումը տեղի է ունեցել ՀՀ վարչապետի պաշտոնական գրության հիման վրա։
Եթե խախտել է օրենքը, պետք է պատասխան տա. Վանեցյանը խոսեց Սանասարյանի մասին
Ի դեպ, երեկ կառավարության նիստից հետո լրագրողների հետ զրույցում Արգիշտի Քարամյանը չէր բացառել, որ ինքը կփոխարինի Սանասարյանին։
«Բոլորիդ քաջ հայտնի է, որ ՊՎԾ–ն վարչապետի ենթակայության մարմին է։ Պարոն վարչապետը ոնց որոշի, այդպես էլ կլինի»,– ասել էր նա։
Քենեդու սպանությունն ու կոռուպցիան. Դավիթ Սանասարյանը գրառում է արել Facebook–ում
Հիշեցնենք` ապրիլի 18-ին ՊՎԾ պետ Դավիթ Սանասարյանին մեղադրանք էր առաջադրվել պաշտոնեական լիազորությունները չարաշահելու համար։ Նրա նկատմամբ խափանման միջոց է կիրառվել չհեռանալու մասին ստորագրությունը։ Պաշտոնավարումը ժամանակավորապես դադարեցվել է։
Սանասարյանն իրեն առաջադրված մեղադրանքը չի ընդունում և այն որակում է շինծու։
