«Ուզում եմ թնդացնել դահլիճը». փոքրիկ Արեգն ապշեցրել է բոլորին իր յարխուշտայով

© Photo : Tigran Madoyan / provided by Artavazd AyvazyanАрег и Артавазд Айвазяны во время исполнения танца Ярхушта
Арег и Артавазд Айвазяны во время исполнения танца Ярхушта - Sputnik Արմենիա
Բաժանորդագրվեք
НовостиTelegram
Մի քանի տարի առաջ փոքրիկ Արեգն իսկական ֆուրոր էր արել։ Երկու տարեկան տղան ոչ միայն հիանալի կատարել է բարդ ռիթմերով հայկական պարերն, այլ նաև բոլորին վարակել է իր էներգետիկայով։ Պարի միջազգային օրը Sputnik Արմենիան գործակալությունը որոշել է պարզել, թե հիմա ինչով է զբաղվում Արեգը և ինչպիսի անակնկալներ է պատրաստում իր երկրպագուների համար։

Լիլիթ Հարությունյան, Sputnik Արմենիա

Յարխուշտան ռազմիկների հին հայկական պար է, որը կատարվել է մարտից առաջ` մարտական ոգին բարձրացնելու և զորքերին համախմբելու համար։ Այսօր այն ասոցացվում է խիզախության և տոկունության հետ։

Ինչպիսի՞ տեսք ունի յարխուշտան երկու տարեկան փոքրիկի կատարմամբ։ Արեգ Այվազյանը սկսել է կատարել այդ պարը, երբ դեռ երկու տարեկան էլ չկար։ Ունենալով կատարյալ երաժշտական լսողություն` երեխան ոչ միայն հիանալի զգացել է ռիթմը, այլ նաև լիովին փոխանցել է պարի մարտական ոգին։ Ծնվելով ազգային պարերի մանկավարժների` Արտավազդ Այվազյանի և Աննա Բաբայանի ընտանիքում`  նա ասես մոր կաթի հետ յուրացրել է յարխուշտայի, քոչարու և այլ ազգային պարերի փիլիսոփայությունը և հայրենասիրությունը։ Ի դեպ, հենց նրա պատվին է անվանվել դպրոցը` «Արեգ», որտեղ դասավանդում են նրա ծնողները։

Տաղանդավոր փոքրիկի մասնակցությամբ տեսանյութերը սոցիալական ցանցերում հավաքել են հարյուր հազարավոր դիտումներ։ Իր ձիրքի շնորհիվ նա նույնիսկ դարձել է «Մարդկային գործոն» հայտնի հեռուստահաղորդման հերոսը։

Հիմա Արեգը 7 տարեկան է։ Նա դպրոց է գնում և շախմատ խաղում։ Իսկ պարերը դարձել են նրա կյանքի անքակտելի մասը։

© Photo : Tigran Madoyan / provided by Artavazd AyvazyanՓոքրիկ Արեգը յարխուշտա է պարում
Փոքրիկ Արեգը յարխուշտա է պարում - Sputnik Արմենիա
1/3
Փոքրիկ Արեգը յարխուշտա է պարում
© Photo : Tigran Madoyan / provided by Artavazd AyvazyanՓոքրիկ Արեգը յարխուշտա է պարում
Փոքրիկ Արեգը յարխուշտա է պարում - Sputnik Արմենիա
2/3
Փոքրիկ Արեգը յարխուշտա է պարում
© Photo : Tigran Madoyan / provided by Artavazd AyvazyanՓոքրիկ Արեգը յարխուշտա է պարում
Փոքրիկ Արեգը յարխուշտա է պարում - Sputnik Արմենիա
3/3
Փոքրիկ Արեգը յարխուշտա է պարում
1/3
Փոքրիկ Արեգը յարխուշտա է պարում
2/3
Փոքրիկ Արեգը յարխուշտա է պարում
3/3
Փոքրիկ Արեգը յարխուշտա է պարում

«Մեր պարային համույթում հիմա գործում է կրտսեր խումբ։ Արեգն այնտեղ պարում է, երբեմն էլ` դասավանդում։ Նա իրեն անվանում է խմբի գեղարվեստական ղեկավարը», – կատակով ասում է տղայի մայրը։

Այնուամենայնիվ, պարն Արեգի միակ սիրելի զբաղմունքը չէ. նա գնում է նաև մարմնամարզության և կարատեի։ Դպրոցական առարկաներից ամենից շատ սիրում է հայոց և ռուսաց լեզուները, ինչպես նաև մաթեմատիկան։

Մեր հարցին, թե նա ինչ է ուզում դառնալ, երբ մեծանա, տղան լուրջ տեսքով պատասխանում է`ծրագրավորող։

– Իսկ ինչո՞ւ։

– Հետաքրքիր խաղեր ստեղծելու համար։

– Իսկ պա՞րը։

– Ես միշտ պարելու եմ և ելույթ ունենալու, – առանց երկմտելու պատասխանում է փոքրիկ Արեգը։

«Ты супер!» շոուի հայաստանյան ներկայացուցիչը պատմում է իր հույզերի մասին եզրափակիչ անցնելուց հետո - Sputnik Արմենիա
Սաթենիկի հերթական հաղթանակը. տաղանդավոր հայուհին անցավ «Ты супер!»–ի եզրափակիչ փուլ

Աննան պատմում է, որ որդին սիրում է այցելել թանգարաններ և լսել հետաքրքիր պատմություններ։

– Արեգ, դու երազանք ունե՞ս, – հարցնում եմ տղային։

– Այո,  ցանկանում եմ լինել աշխարհի շատ երկրներում, – պատասխանում է նա։

Սակայն, ինչպես պատմում է նրա մայրը, Արեգն ամենից շատ երազում է քույրիկ կամ եղբայր ունենալու մասին։

«Ասում է, որ ուզում է խնամել նրանց և մեր պարերը սովորեցնել, որպեսզի միասին թնդացնեն դահլիճը», – ծիծաղելով պատմում է Աննան։

Պետք է ասել, որ Արեգը հաճախ է ելույթ ունենում և հիացնում հանդիսատեսին։ Դե ինչ, հուսանք, որ շուտով նա և՛քույր, և՛ եղբայր կունենա, որոնց հետ միասին կկարողանա իսկապես «պայթեցնել» բեմը։

Լրահոս
0