Ներողություններով նամակ և ոչ մի ներում․ Լոնդոնում կայացվել է Ասանժի վճիռը

© AP Photo / Victoria Jones/PA via APОснователь WikiLeaks Джулиан Ассанж в полицейском автомобиле (11 апреля 2019). Лондон
Основатель WikiLeaks Джулиан Ассанж в полицейском автомобиле (11 апреля 2019). Лондон - Sputnik Արմենիա
Ասանժը դատավճիռը հրապարակելուց հետո փաստաբանի միջոցով ափսոսանք է հայտնել այն ամենի համար, ինչ արել է։

ԵՐԵՎԱՆ, 1 մայիսի — Sputnik. Լոնդոնում դատարանը 50 շաբաթ բանտարկության է դատապարտել WikiLeaks կայքի հիմնադիր Ջուլիան Ասանժին՝ գրավի դիմաց դուրս գալու պայմանները խախտելու համար, հաղորդում է ՌԻԱ Նովոստիի թղթակիցը դատարանի դահլիճից։

«Դուք սեփական ցանկությամբ չեք հանձնվել ոստիկանությանը, Էկվադորի դեսպանատունը ստիպված է եղել թույլ տալ ոստիկանությանը մտնել շենք։ Դուք ընտրություն ունեիք, և ես մերժում եմ պատիժը մեղմելու բոլոր փաստարկները», - ասել է դատավոր Դեբորա Թեյլորը՝ հրապարակելով դատավճիռը։

Мужчина с плакатом в поддержку основателя WikiLeaks Джулиана Ассанжа у Вестминстерского суда (11 апреля 2019). Лондон - Sputnik Արմենիա
Պանամայի գործը և Եղեռնը չճանաչելու պատճառները. ով հանգիստ շունչ կքաշի Ասանժի կալանքից հետո

Նրա խոսքով՝ Ասանժի կողմից գրավի դիմաց դուրս գալու պայմանների խախտումը «նրա նկատմամբ  ներկայացված ամենալուրջ մեղադրանքների սահմաններից դուրս է»։ Ասանժը դատավճիռը հրապարակելուց առաջ փաստաբանների միջոցով ափսոսանք է հայտնել արարքների համար, որոնք նա կատարել է։

Նիստի սկզբում նա ներողություններով և իր պահվածքի պատճառների բացատրություններով նամակ է հանձնել Դեբորա Թեյլորին։

«Ջուլիան Ասանժը ցանկանում է անվերապահորեն ներողություն խնդրել, և ես դատավորին հանձնում եմ նրա նամակը՝ գրված առավոտյան», - ասել է պաշտպան Մարկ Սամերսը։

Նա հատվածներ է ներկայացրել նամակից։ «Ես բախվել եմ սարսափելի հանգամանքների հետ։ Ես արել եմ այն, ինչ այդ ժամանակ իմ կարծիքով լավագույն տարբերակն էր», - ասվում է նամակում։

Սամերսը կոչ է արել դատավորին վճիռ կայացնելիս հաշվի առնի այն փաստը, որ Ասանժը յոթ տարի անցկացրել է գրասենյակային տարածքում, որը նախատեսված չէ բնակության համար, չի տեսել արևի լույս, տառապել է ապագայի անորոշությունից և առողջական խնդիրներից։

Ասանժին ձերբակալել էին ապրիլի սկզբին Շվեդիայի և ԱՄՆ–ի օրդերներով։ Շվեդիայում նա մեղադրվում է սեռական բնույթի հանցագործություններում, ԱՄՆ–ն նրան մեղադրում է նախկին զինծառայող Չելսի Մենինգի հետ դավադրություն իրականացնելու և հափշտակած ծառայողական փաստաթղթերի հրապարակման մեջ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала