ԵՐԵՒԱՆ, 2 մայիսի — Sputnik. ՀՀ կառավարութիւնն այսօրուան նիստին ընդունուած որոշմամբ մաքսային արտօնութիւն տրամադրած է ՀՀ ԱԺ նախկին ՀՀԿ–ական պատգամաւոր, գործարար Սամուէլ Ալեքսանեանին պատկանող «Ալեքս տեքստիլ» ընկերութեան:
Որոշումը կը հիմնաւորուի ընկերութեան կողմէ գերակայ ոլորտին մէջ իրականացուող ներդրումներով:
Կառավարութեան որոշման նախագիծէն պարզ կը դառնայ, որ ներմուծուող ապրանքներու հիմնական մասը կը ներկրուի Թուրքիայէն, որոշ մաս մը` Չինաստանէն: Ներկրուող ապրանքներու ընդհանուր արժէքը կը կազմէ 14 127 414 670 դրամ:
Կառավարութեան որոշման համաձայն` «Ալեքս տեքստիլ» սահմանափակ պատասխանատուութեամբ ընկերութեան կողմէ ներմուծուող ապրանքները պիտի օգտագործուին կարի եւ գուլպայի արտադրութեան մէջ: Իսկ, թէ ինչու ատոնք կը ներմուծուին Թուրքիայէն, կառավարութեան նախագիծին մէջ կ’ըսուի. «Ապրանքները չեն ներմուծուիր ԵԱՏՄ անդամ-երկիրներէ, քանի որ չեն բաւարարեր ընկերութեան արհեստագիտական պահանջներուն»: