ԵՐԵՎԱՆ, 3 մայիսի — Sputnik. Մայիսի 4-ին և 5-ի գիշերը հանրապետության առանձին շրջաններում սպասվում է ինտենսիվ անձրև, ամպրոպ, ամպրոպի ժամանակ` քամու ուժգնացում` 20-25 մ/վ, հնարավոր է կարկուտ։ Facebook սոցիալական ցանցի իր էջում այս մասին գրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը։
Բացի այդ, ԱԻՆ–ի կանխատեսումների համաձայն, Հայաստանի խոշոր գետերի ավազաններում սպասվում են հեղեղումներ։
Մասնավորապես` մայիսի 4-5-ը Դեբեդ, Աղստև, Հրազդան, Քասախ, Սևանա լճի ավազանի, Ազատ, Վեդի և Արփա գետերի ափամերձ տարածքներում և գետավազաններում հնարավոր են ողողումներ և ջրածածկումներ:
Բայց կա նաև լավատեսական կանխատեսում։ Մայիսի 5-ից հետո տեղումները կդադարեն, 5-6 աստիճանով նվազած օդի ջերմաստիճանը մայիսի 5-7-ը նույնքան կբարձրանա:
