Փաշինյանը հերթական անգամ դիմում է մանիպուլյացիայի և չի ասում իրականությունը։ Sputnik Արմենիայի հետ զրույցում ասել է ՀՀԿ խոսնակ Էդուարդ Շարմազանովը։
Նա ներկայացրեց Փաշինյանի հրապարակած թվերի հակափաստարկները։
«Փաշինյանի իշխանության օրոք 7 միլիարդով կրճատվել են ներդումները։ 2017թ-ին ներդրումները կազմել են 429 միլիարդ դրամ, իսկ 2018-ին 422 միլիարդ դրամ, այսինքն՝ 7 միլիարդով պակաս»,-ասել է Շարմազանովը։
Ըստ ՀՀԿ խոսնակի՝ Փաշինյանը հայտարարում է, որ ներգաղթ է տեղի ունեցել, իրականում տեղի է ունեցել արտագաղթ՝ մասնավորապես վերջին մեկ տարվա ընթացքում Հայաստանից հեռացել է 7800 մարդ։
Շարմազանովը նշում է՝ վարչապետի խոստացած 800 միլիոն դոլարով բյուջեն ավելացնելու խոստումը այսօր դարձել է 40-64 միլիարդ դրամի խոստում։ Այն էլ դեռ միայն խոստում է։
Բացի այդ, Շարմազանովի խոսքով՝ խոսում են 50 հազար աշխատատեղերի մասին, բայց չեն խոսում 20 հազար կրճատված աշխատատեղերի մասին։
