Ուրախ եմ, որ Սանասարյանը քննությանը տրամադրել է իմ ու իր նամակագրությունը. Արսեն Թորոսյան

© Sputnik / Aram NersesyanМинистр здравоохранения Арсен Торосян во время обхода по Национальному центру охраны психического здоровья (13 мая 2019). Еревaн
Министр здравоохранения Арсен Торосян во время обхода по Национальному центру охраны психического здоровья (13 мая 2019). Еревaн - Sputnik Արմենիա
Բաժանորդագրվեք
НовостиTelegram
Արսեն Թորոսյանն իրավապահ մարմիններին գործի հետ կապված ինքը նամակ ուղարկել է։

ԵՐԵՎԱՆ, 13 մայիսի — Sputnik. Առողջապահության նախարարությունը հեմոդիալիզի սարքավորումների գնման գործում ոչ մեկի դեմ ոչինչ չի արել. ինչ արել է` արել է ինչ-որ բանի համար։ Այսօր լրագրողների հետ զրույցում ասաց առողջապահության նախարար Արսեն Թորոսյանը` պատասխանելով հարցին՝ արդյո՞ք իր ցուցմունքի հիման վրա են Պետական վերահսկողական ծառայության պետ Դավիթ Սանասարյանին մեղադրանք առաջադրել։

Глава гос.контрольной службы Армении Давид Санасарян на заседании Правительства (15 ноября 2018). Еревaн - Sputnik Արմենիա
Դավիթ Սանասարյանի մեղադրանքն ամբողջությամբ հիմնավոր է. «Հայկական ժամանակ»

«Մենք միայն ցանկացել ենք բացառել որևէ միջամտություն պետական գնումների համակարգում։ Հիմա արդեն իրավապահ մարմինները կորոշեն՝ կա՞ր պաշտոնական դիրքի չարաշահում և միջամտություն, թե՞ ոչ։ Ես դատարանի դեր չեմ պատրաստվում ստանձնել, սակայն միշտ ասել եմ, որ եթե ինձ հայտնի դառնա մի բան, որը պետք է իմանան նաև իրավապահ մարմինները, նրանք այդ մասին կիմանան»,–ասաց նախարարը։

Նա նշեց նաև, որ իրավապահ մարմիններին գործի հետ կապված ինքը նամակ ուղարկել է։

Ինչ վերաբերում է այս թեմայով իր և Սանասարյանի միջև ֆեյսբուքյան նամակագրություն լինել–չլինելուն, Թորոսյանն ասաց, որ Սանասարյանին ճանաչում է 2008 թվականից, և իրար բազմաթիվ նամակներ ունեն գրած։ «Սանասարյանի հետ տարբեր թեմաներով նամակագրություն ունենք, այդ թվում` այս թեմայով։ Ես ուրախ եմ, որ Դավիթ Սանասարյանը քննությանը տրամադրել է այդ նամակները»,–ասաց Թորոսյանը։

Նա հայտնեց նաև, որ գործի շրջանակներում ինքը չի հարցաքննվել։

Кандидаты от блока Мой Шаг следят за онлайн трансляцией подсчета голосов досрочных выборов в НС РА (9 декабря 2018). Еревaн - Sputnik Արմենիա
Ո՞ւմ է Դավիթ Սանասարյանը քամելեոն կոչում և ինչու է որոշ սերժականների ավելի հարգում

Հիշեցնենք, որ օրերս Դավիթ Սանասարյանն ասուլիսի ընթացքում ասել էր, որ պատրաստ է իր ձեռքը կտրել, եթե հրապարակվի այն տեսանյութը, որտեղ ինքը կաշառք է վերցնում։

Պետական վերահսկողական ծառայության գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների կողմից հայտարարված հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։ ԱԱԾ–ում քննվող քրեական գործի շրջանակում Դավիթ Սանասարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով (Պաշտոնեական լիազորությունները չարաշահելը)։ Նրա նկատմամբ խափանման միջոց է ընտրվել չհեռանալու մասին ստորագրությունը։ Որոշվել էր նաև ժամանակավորապես դադարեցնել նրա պաշտոնավարումը` ՀՀ պետական վերահսկողական ծառայության ղեկավարի պաշտոնում։

Դավիթ Սանասարյանը ԱԱԾ–ի առաջադրած մեղադրանքները շինծու է համարում։ Սանասարյանի փաստաբանները դիմել են ՀՀ գլխավոր դատախազություն` քրեական գործի վարույթը ԱԱԾ–ից այլ քննչական մարմնի վարույթ տեղափոխելու հարցով։

Լրահոս
0