«Իմ սիրտն այս կողմում է». Պոզները` Արցախի, Բաքվի «սև ցուցակի» և Փաշինյանի մասին

© Sputnik / Владимир Астапкович / Անցնել ֆոտոբանկВладимир Познер
Владимир Познер - Sputnik Արմենիա
Բաժանորդագրվեք
Պոզները պատմել է Հայաստանի վարչապետ Նիկոլ Փաշինյանի հետ շփումից ստացած տպավորությունների մասին` նրան անվանելով համակրելի մարդ, որի հետ հաճելի է զրուցելը։

ԵՐԵՎԱՆ, 28 մայիսի — Sputnik. Հայտնի լրագրող և հեռուստահաղորդավար Վլադիմիր Պոզները զղջում է, որ վերջերս Հայաստան կատարած այցելության ժամանակ չի կարողացել ժամանակ գտնել և մեկնել Արցախ։ Այդ մասին նա ասել է Հայաստանի Հանրային հեռուստաընկերությանը տված հարցազրույցում։

Պոզները նշել է, որ մեծ համակրանքով է վերաբերվում Հայաստանին ու հայերին, նրանց համարում է շատ խելացի։ Հայտնի լրագրողին գրավում է դժվարին պայմաններում հայերի ապրելու և վերապրելու յուրահատուկ ընդունակությունը։ Նրան դուր է գալիս այսքան դժվարությունների միջով անցած այս ազգի կենսուրախությունը։

Телеведущий Владимир Познер - Sputnik Արմենիա
«Երևանը բնավորություն ունեցող քաղաք է». Պոզները չբացառեց Հայաստան վերադառնալու հեռանկարը

«Ցավոք, ես չեմ եղել Լեռնային Ղարաբաղում։ Հաճույքով կմեկնեի, չեմ հասցրել։ Կգնայի, որպեսզի արտահայտեմ իմ դիրքորոշումը, որպեսզի բոլորը, այդ թվում` պարոնայք ադրբեջանցիները, հասկանան, որ իմ սիրտն այս կողմում է, ոչ թե այն», – նշել է Պոզները։

Միաժամանակ, Պոզները հայտարարել է, որ իրեն չի հուզում Բաքվի «սև ցուցակը», ավելին, այն իր մոտ միայն ժպիտ է առաջացնում։

«Ասենք թե ինձ ներառեն սև ցուցակում, և ի՞նչ։ Կարծում եմ, որ ես կշարունակեմ հանգիստ քնել գիշերները», – նշեց լրագրողը։

Պոզները նաև պատմել է Հայաստանի վարչապետ Նիկոլ Փաշինյանի հետ շփումից ստացած տպավորությունների մասին։ Նրա խոսքով` կառավարության ղեկավարի համար շարունակում է կարևոր մնալ իր` լրագրողի մասնագիտությունը։

«Ես նույնիսկ ցանկացա նրան ասել, որ չի կարելի լինել միաժամանակ լրագրող և վարչապետ։ Նա շփման մեջ շատ հասարակ մարդ է, նրա հետ հաճելի է զրուցելը։ Նա կարողանում է լսել, իսկ դա հազվադեպ է լինում նման կարգավիճակ ունեցող մարդկանց դեպքում։ Նա շատ համակրելի մարդ է», – ասել է Պոզները։

Պոզները Հայաստան էր ժամանել մայիսի 22-ին։ Հինգշաբթի նա վարպետության դաս անցկացրեց Հայ–Ռուսական (Սլավոնական) համալսարանում ուսանողների համար, այնուհետև` երեկոյան տեղի ունեցավ նրա` «Հրաժեշտ պատրանքներին» գրքի հայերեն թարգմանության շնորհանդեսը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала