Հայաստանի իշխանությունները ուզում են արգելել մի շարք գետերի վրա փոքր ՀԷԿ–երի կառուցումը

© Sputnik / Armine AleqsanyanРека в Армении
Река в Армении - Sputnik Արմենիա
Կարմիր գրքում գրանցված ձկների ձվադրման վայրերը ՀԷԿ–երի աշխատանքի կողմնակի ազդեցությունից պաշտպանված կլինեն. պաշտպանված կլինեն նաև այն գետերը, որոնցից առանց այդ էլ մեծ ծավալների ջրառ է իրականացվում։

ԵՐԵՎԱՆ, 3 հունիսի — Sputnik. ՀՀ կառավարությունն առաջարկում է արգելել փոքր ՀԷԿ-եր կառուցելու նպատակով որոշ գետերում ջրօգտագործման թույլատվության տրամադրումը:

Уличная продажа рыбы - Sputnik Արմենիա
Սևանի սիգի պահածոյի մասին բոլորն իմացել ու լռել են. ի՞նչ է թաքնված թիթեղյա տարաների տակ

Հայաստանի ջրային օրենսգրքում լրացում և փոփոխություններ կատարելու մասին նախագիծն ԱԺ-ում ներկայացրեց Բնապահպանության նախարար Էրիկ Գրիգորյանը:

Նրա խոսքով` օրինագիծը պետք է կարգավորի փոքր ՀԷԿ-երի ջրօգտագործման ոլորտում թույլատվությունների տրամադրման և մերժման հիմքերը:

«Փոքր հիդրոէլեկտրոկայանների ջրօգտագործման թույլատվության տրամադրումը արգելվում է այն դեպքերում, երբ ՀԷԿ-ի կառուցումը նախատեսվում է այն գետերի վրա, որտեղ առկա են ՀՀ Կամիր գրքում գրանցված կամ տարածքին բնորոշ էնդեմիկ ձկնատեսակների ձվադրավայրերը», – ասել է Գրիգորյանը։

Արգելքն առնչվում է նաև այն գետերին, որոնց ծանրաբեռնվածությունը դերիվացիոն խողովակներով գերազանցում է 40 տոկոսը: Բացի այդ արգելքը կգործի այն գետերի համար, որտեղ կան ջրաչափական դիտակետեր և նախատեսվող ջրառի և ջրահեռացման նիշերը շրջանցում են ջրաչափական դիտակետերը։

Փոքր հիդրոէլեկտրակայաններ արգելվում է կառուցել նաև բնության հատուկ պահպանվող տարածքներում և պահպանման գոտիներում, բնության հուշարձաններից 150 մետր շառավղով հարակից տարածքներում, ջրաէկոհամակարգերի պահպանման գոտիներում, գետի հոսքի ձևավորման տարածքներում և գետահատվածներում։

ՀԷԿ–եր կարգելվի կառուցել նաև անտառային հողերում կամ տարածքներում, որտեղ շինարարական տարածքին մոտեցող ճանապարհները կառուցելու նպատակով անհրաժեշտություն կառաջանա հատել ծառեր:

Գրիգորյանը նաև հայտարարեց, որ այն տարածքներում, որոնք գետավազանների կառավարման ծրագիր չունեն, թույլտվություն չի կարող տրամադրվել ավելի, քան 5 տարի ժամկետով։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала