ԵՐԵՎԱՆ, 6 հունիսի — Sputnik. Վերջին օրերին տեղացած կարկուտից տուժած գյուղացիները կփոխհատուցվեն աշնանը։ Այսօր կառավարության նիստից հետո, լրագրողների հետ զրույցում հայտնեց Էկոնոմիկայի նախարար Տիգրան Խաչատրյանը։
Նրա խոսքով` փոխհատուցման հանձնաժողովները պետք է հաշվարկեն հասցված վնասի չափը։
«Դա կախված է նրանից, թե ինչ մշակաբույսեր են եղել ու ինչ չափով են ազդել դրանց վրա այդ բնական երևույթները»,– ասաց Խաչատրյանը։
Իսկ վնասի ամբողջական չափը, նրա խոսքով, հայտնի կլինի միայն այդ տվյալներն ամփոփելուց հետո։
