ԵՐԵՎԱՆ, 7 հունիսի — Sputnik. Հայտնի ռեժիսոր Տիգրան Քեոսայանն իրավաբանների հետ կքննարկի «Էխո Մոսկվի» ռադիոկայանում տեղի ունեցած միջադեպը, որից հետո նրա կնոջը` RT հեռուստաընկերության և Sputnik գործակալության գլխավոր խմբագիր Մարգարիտա Սիմոնյանին հոսպիտալացրել են։ Այս մասին հայտնում է «Գովորիտ Մոսկվա» տելեգրամ–ալիքը։
«Դա շապիտո կրկես է», – հայտարարել է Քեոսյանը` մեկնաբանելով տեղի ունեցածը։
Հունիսին 6–ին Սիմոնյանը հայտնել էր, որ մասնակցել է «Էխո Մոսկվի» ռադիոկայանի եթերին, որտեղ «Կոռուպցիայի դեմ պայքարի հիմնադրամի» իրավաբան, «Նավալնի LIVE» YouTube–յան ալիքի պրոդյուսեր Լյուբով Սոբոլը սպասել է նրան։ Նա միացրած տեսախցիկով սկսել է հարցեր տալ Սիմոնյանին Մոսկվայի քաղաքապետ Սերգեյ Սոբյանինի մասին։
Սիմոնյանը հրաժարվել է մեկնաբանություն տալ` հայտարարելով, որ հարցազրույցի մասին պետք է պայմանավորվել իր մամուլի ծառայության միջոցով։ Բայց Սոբոլը շարունակել է հետապնդել Սիմոնյանին։
RT գլխավոր խմբագիրը ստիպված է եղել խնդրել ռադիոկայանի աշխատակիցներին հեռու տանել համառ կնոջը։ Դրանից հետո Սիմոնյանի ինքնազգացողությունը վատացել է, և նրան հոսպիտալացրել են։
Քեոսայանը հաղորդել է, որ բժիշկները հիմա Սիմոնյանի վիճակը նորմալ են գնահատում և անում են հնարավոր ամեն ինչ։
Նշենք, որ Ռուսաստանի ԱԳՆ պաշտոնական ներկայացուցիչ Մարիա Զախարովան նույնպես անդրադարձել է այս թեմային և Սոբոլին կենդանի է անվանել։
