ԵՐԵՎԱՆ, 9 հունիսի — Sputnik. Սոչիում այսօր բախվել են զբոսաշրջիկներ տեղափոխող երկու ավտոբուսներ։ Այդ մասին հաղորդում են ռուսական ԶԼՄ-ները։ Նախնական տվյալներով՝ տուժել է 11 մարդ, նրանց շարքում մեկ անչափահաս կա։
Ավտոբուսներից մեկը զբոսաշրջիկներին էքսկուրսիա է տարել «Օլիմպիական այգի», երկրորդը՝ Կրասնայա Պոլյանա։ «360» տելեգրամ ալիքը տեսանյութ է հրապարակել դեպքի վայրից։
Դեպքի վայր են ժամանել շտապ օգնության բժիշկներ, ինչպես նաև իրավապահ մարմինների աշխատակիցներ։
Ակունք գյուղի տներից մեկում գազաբալոն է պայթել. 13-ամյա երեխան հիվանդանոցում է
Այժմ ՃՏՊ-ի վայրում աշխատում է օպերատիվ-քննչական խումբ։
Հիշեցնենք, որ մայիսի վերջին զբոսաշրջիկներ տեղափոխող ավտոբուսը ՃՏՊ-ի էր ենթարկվել Իտալիայում։ Դեպքը տեղի էր ունեցել Իտալիայի կենտրոնական հատվածում՝ Սիենայից Ֆլորենցիա մայրուղու վրա։ Ավտոբուսի մեջ էին Հայաստանի 8 քաղաքացիներ, նրանցից 3-ը տուժել են։
