Երևանում սպանություն է տեղի ունեցել

© Sputnik / Asatur Yesayants / Полиция и скорая помощь
Полиция и скорая помощь - Sputnik Արմենիա
Բաժանորդագրվեք
НовостиTelegram
Հիվանդանոց տեղափոխված տղամարդու կյանքը չի հաջողվել փրկել։ Նրա հետ հիվանդանոց է տեղափոխվել նաև հարևանը, որի որովայնին նույնպես ծակած-կտրած վնասվածք կա։

ԵՐԵՎԱՆ, 10 հունիսի – Sputnik. Այսօր Երևանում սպանություն է տեղի ունեցել: Sputnik Արմենիայի տեղեկություններով` ժամը 15-ի սահմանում «Էրեբունի» բժշկական կենտրոնի վերակենդանացման բաժանմունքում մահացել է մայրաքաղաքում ապրող 63-ամյա մի տղամարդ:

Больница Эребуни - Sputnik Արմենիա
Ի՞նչ վիճակում են նռնակի պայթյունից տուժած 44–ամյա կինը, հղի հարսն ու 1 տարեկան երեխան

Նա ժամը 13-ի սահմանում էր շտապօգնության մեքենայով տեղափոխվել հիվանդանոց: Բժիշկները պարզել էին, որ նրա կողքին կտրած-ծակած վնասվածք կա, ամենայն հավանականությամբ՝ դանակով հասցված:

Տղամարդու կյանքի համար պայքարել էին, բայց ապարդյուն:

Նրա հետ հիվանդանոց էր տեղափոխվել նաև հարևանը՝ 24-ամյա մի երիտասարդ, որի որովայնին ևս ծակած-կտրած վնասվածք կա:

Նրանք հիվանդանոց էին տեղափոխվել Երևանի Տիգրան Մեծի պողոտայի թիվ 59 հասցեի մոտից, որտեղ վեճ է տեղի ունեցել, ինչն էլ հանգուցալուծվել է դանակահարությամբ:

Իրավապահները պարզում են կատարվածի հանգամանքները: Նոր մանրամասների դեպքում հավելյալ կտեղեկացնենք:

 

Լրահոս
0