ԵՐԵՎԱՆ, 12 հունիսի – Sputnik. Գործարկվել է ՌԴ դաշնային մաքսային ծառայության «Ֆիզիկական անձանց՝ մաքսային վճարների և վարչական տույժերի պարտք» տեղեկատվական ծառայության կայքէջը: Ռուսաստանի Դաշնության քաղաքացիություն չունեցող ֆիզիկական անձինք օնլայն ռեժիմով կարող են ստուգել ՌԴ տարածքում հարկերի վճարումից խուսափելու հետևանքով առաջացած պարտքի առկայությունը: Այս մասին հայտնում է Պետեկամուտների կոմիտեի մամուլի ծառայությունը։
Այն, ի դեպ, կարող է հիմք հանդիսանալ նշված քաղաքացիների մուտքը Ռուսաստանի Դաշնության տարածք արգելելու համար:
ՀՀ քաղաքացիներն իրենց կատարած գործարքների հետևանքով առաջացած մաքսային վճարների և վարչական տույժերի հնարավոր պարտքերի մասին տեղեկությունը կարող են ստուգել կայքէջում՝ հետևյալ հղմամբ:
Անհրաժեշտ է մուտքագրել անձնական տվյալները՝ անուն, ազգանուն, հայրանուն, սեռ, քաղաքացիություն, ծննդյան ամսաթիվ:
ՀՀ ՊԵԿ տեղեկատվության և հասարակայնության հետ կապերի բաժին
