ԵՐԵՎԱՆ, 13 Հունիս — Sputnik. Հայաստանում ՌԴ արտակարգ և լիազոր դեսպան Սերգեյ Կոպիրկինն այսօր այցելել է ՀՀ երկրորդ նախագահ Ռոբերտ Քոչարյանին։ Sputnik Արմենիայի հետ զրույցում այս մասին ասաց Քոչարյանի գրասենյակի ղեկավար Վիկտոր Սողոմոնյանը։
«Կոպիրկինի և Քոչարյանի հանդիպումը կայացել է «Էրեբունի Պլազա» բիզնես կենտրոնում գտնվող Քոչարյանի գրասենյակում»,– նշեց Սողոմոնյանը։
Դեսպանատնից հայտնեցին, որ լուրը չեն մեկնաբանում։
Հիշեցնենք` մայիսի 25-ին Քոչարյանի հետ հանդիպում էր ունեցել նաև Սերժ Սարգսյանը։
