ԵՐԵՎԱՆ, 22 հունիսի – Sputnik. Բանանց» ֆուտբոլային ակումբի գլխավոր բժիշկ Արսեն Համբարյանը փրկել է Թուրքիայի հյուրանոցներից մեկի աշխատակցի կյանքը։ Այս մասին հայտնում է ակումբի մամուլի ծառայությունը։ Sputnik Արմենիան կապ հաստատեց բժշկի հետ, և նա պատմեց դեպքի մանրամասները։
«Հյուրանոցի աշխատակիցներից մեկն աստիճանների վրա անհաջող սայթաքեց , որի հետևանքով կոտրեց ձեռքը, գանգուղեղային բաց վնասվածք ստացավ և ուժգին ցավից կորցրեց գիտակցությունը: Շտապ անշարժացրի ձեռքը, որպեսզի ցավային զգացողությունը անցնի: Այնուհետև ձեռքերի մերսման միջոցով գիտակցությունը հետ բերեցի»,– պատմեց Համբարյանը։
Նա նշեց, որ այդ ժամանակ եկան շտապօգնության աշխատակիցները և առաջին բուժօգնությունը գնահատեցին դրական և ժամանակին` նշելով, որ դրա բացակայության դեպքում աշխատակցի առողջական վիճակը կարող էր ավելի ծանր լինել:
Անին իմ առաջին լուրջ հաջողությունն էր. ո՞ւմ հետ է հույս կապում Խորեն Հովհաննիսյանը
«Հյուրանոցի տնօրինությունը շնորհակալություն հայտնեց իրենց աշխատակցի կյանքը փրկելու համար»,– ասաց բժիշկը:
Այս օրերին «Բանանց» ֆուտբոլային ակումբն ուսումնամարզական հավաք է անցկացնում Թուրքիայի Կարթեփե քաղաքում:
Հայաստանում մոռացության մատնված մարզադաշտերը, կամ որտե՞ղ «գոլ» գոռան ֆուտբոլիստները
