Եւս 500.000 քաղաքացի պիտի կրնայ սրտի անվճար վիրահատութենէ օգտուիլ. ովքեր են անոնք

© Sputnik / Asatur YesayantsМедицинский центр "Сурб Аствацамайр". Ребенок на обследовании
Медицинский центр Сурб Аствацамайр. Ребенок на обследовании - Sputnik Արմենիա
Բաժանորդագրվեք
ՀՀ առողջապահութեան նախարար Արսէն Թորոսեան յայտնած է, թէ կառավարութեան տրամադրած յաւելեալ 12 մլր դրամը ուր պիտի ուղղուի:

ԵՐԵՒԱՆ, 27 յունիսի — Sputnik. Սրտի վիրահատութիւններէն եւ նորագոյն թանկարժէք արհեստագիտութիւններով մատուցուող ծառայութիւններէն անվճար օգտուող քաղաքացիներու խումբը կ'ընդլայնուի: Այս մասին Facobook ընկերային կայքին վրայ ուղիղ եթերի ժամանակ ըսաւ ՀՀ առողջապահութեան նախարար Արսէն Թորոսեան:

Счетная машинка - Sputnik Արմենիա
Հայաստանի մէջ նուազագոյն աշխատավարձը կը բարձրանայ.կառավարութիւնն աւելի առատաձեռն գտնուեցաւ

Արդէն յայտնած էինք, որ այսօր ընդունած կառավարութեան որոշման համաձայն` առողջապահութեան ոլորտի ընթացիկ ծախսերն այս տարի կ’աւելնան յաւելեալ 12 մլր դրամով: Թորոսեան, ի դէպ, այս պահուն գործուղմամբ  Զուիցերիա կը գտնուի:

«Այսուհետ սրտի վիրահատութիւններէն եւ նորագոյն թանկարժէք արհեստագիտութիւններով մատուցուող ծառայութիւններէն օգտուող քաղաքացիներու խումբին մէջ պիտի ներառուին նաեւ առաջին եւ երկրորդ կարգի հաշմանդամութիւն ունեցող անձիք: Այդ խումբին մէջ պիտի  ներառուին նաեւ ժամկէտային եւ մարտական գործողութիւններուն մասնակցած զինծառայողներու ընտանիքի անդամները, ինչպէս նաեւ զոհուած զինծառայողներու ընտանիքի անդամները»,–ըսաւ Թորոսեան:

Ան յայտնեց նաեւ, որ սրտի վիրահատութիւններէն եւ նորագոյն թանկարժէք արհեստագիտութիւններով մատուցուող ծառայութիւններէն օգտուող քաղաքացիներու թիւը 230 000 էր, փաստացի այդ խումբին մէջ հիմա կ’ընդգրկուի եւս 500 000 քաղաքացի:

Кандидат в мэры Стамбула Экрем Имамоглу от оппозиционной Республиканской народной партии приветствует сторонников на митинге в районе Бейликдузу (23 июня 2019). Стамбул - Sputnik Արմենիա
Սթամպուլի նորընտիր քաղաքապետը հայ ճարտարապետի շնորհիւ իր ծննդավայրը նորովի բացայայտած է

Յիշեցնենք, որ առողջապահութեան փոխնախարար Անահիտ Աւանէսեան նշած էր, որ նախարարութիւնը կը փորձէ համահարթեցնել բուժհիմնարկներու մէջ բուժծառայութիւններու իրական գործող ու պետպատուէրի ծիրէն ներս տրամադրուող գումարները, որպէսզի «հիւանդը ստիպուած չըլլայ գրպանէն յաւելեալ գումարներ վճարել»:

Կառավարութեան այսօրուայ ընդունած որոշումը կը վերաբերի նաեւ մինչեւ 18 տարեկաններու հիւանդանոցային ծառայութիւններուն: Որոշման ընդունումէն յետոյ, Անահիտ Աւանէսեանի հաւաստմամբ, անոնց ծնողներէն այլեւս գումար չեն պահանջեր հիւանդանոցին մէջ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала