ԵՐԵՎԱՆ, 27 հունիսի — Sputnik. Հայաստանում նվազագույն աշխատավարձը կբարձրանա և կկազմի 68 000 դրամ։ Այս մասին հայտարարվեց ՀՀ կառավարության այսօրվա նիստում։
Աշխատանքի և սոցիալական հարցերի փոխնախարար Գեմաֆին Գասպարյանն առաջարկեց օրակարգում ներառել ԱԺ «Իմ քայլը» խմբակցության պատգամավորներ Բաբկեն Թունյանի ու Տիգրան Կարապետյանի օրենսդրական նախաձեռնությունը, ըստ որի` նվազագույն աշխատավարձը ներկայիս 55 000 դրամից պետք է հասցնել 63 000 դրամի։ Բայց փոխնախարարը հայտնեց, որ նախարարությունն առաջարկում է այն հասցնել 68 000 դրամի։
«Մինչ իրենց ներկայացրած նախագիծը մենք շուրջ 3 ամիս առաջ մեր սոցիալական հետազոտությունների ազգային ինստիտուտին պատվիրակել էինք հետազոտություն, որով պետք է գնահատվեր նվազագույն աշխատավարձի սոցիալ տնտեսական օրինաչափ մեծությունը»,– ասաց Գասպարյանը։
«ԿամԱԶ»–ների գնման մեջ գումա՞ր են աշխատել. Երևանի քաղաքապետարանի պարզաբանումը
Նրա խոսքով` հետազոտությունների արդյունքում որոշվել է նվազագույն աշխատավարձի չափը սահմանել ոչ թե 63, այլ 68 հազար դրամ։
Գործադիրը հավանություն տվեց օրինագծին, որը վերջնական ընդունման համար կներկայացվի ԱԺ։