Ուժեղ կարկուտ Մարտունիում. գյուղացիները մեծ վնաս են կրել. տեսանյութ, լուսանկարներ

ԵՐԵՎԱՆ, 28 Հունիս — Sputnik. Գեղարքունիքի մարզի Մարտունի քաղաքում ուժեղ կարկուտ է տեղացել երեկ` հունիսի 27-ին։ Այն մեծ վնաս է հասցրել գյուղացիական տնտեսություններին։ Տուժել են ցանքատարածությունները, պտղատու այգիներն ու տնկիները։

Իսկ ուժեղ քամին տապալել է մի քանի ծառ, ինչի հետևանքով ավտոմեքենաներ են վնասվել։

Տեսանյութում երևում է, թե ինչպես են հորդառատ անձրևն ու կարկուտը քաղաքի փողոցներն անանցանելի գետերի վերածել։