«Օրենքով գողեր» և նախկին դատապարտվածներ. քանիսի հետ է ոստիկանությունը «շփվել». տեսանյութ

Բաժանորդագրվեք
НовостиTelegram
Արդեն շուրջ 10 օր ոստիկանության՝ մարզերը սպասարկող ստորաբաժանումներն անցել են շուրջօրյա ուժեղացված ծառայության՝ առաջնորդվելով ոստիկանության պետ Վալերիյ Օսիպյանի հանձնարարականի պահանջներով։

ՀՀ ոստիկանության մամուլի ծառայությունը ներկայացրել է տեսանյութ, որում ամփոփված են իրավապահների ուժեղացված ծառայության արդյունքները:

Армяно-грузинская граница. КПП Баграташен - Sputnik Արմենիա
Ոստիկանությունը դասալքության համար հետախուզվող 47-ամյա տղամարդու է կալանավորել

Ըստ ոստիկանության հաղորդագրության` Շիրակի մարզում տարբեր կասկածանքներով բերման է ենթարկվել 129 անձ, այդ թվում այսպես կոչված՝ «օրենքով գողեր»:

Արարատում բերման են ենթարկել 23 անձի, ստուգումներ իրականացրել շուրջ 30 քրեական հեղինակության բնակության վայրերում։

Գեղարքունիքի ոստիկանները հնարավոր հանցագործությունների կանխման նպատակով բերման են ենթարկել նախկինում ծանր և առանձնապես ծանր հանցագործությունների մեղադրանքով դատապարտված 112 անձի։

Երկօրյա ուժեղացված ծառայության ընթացքում Կոտայքի մարզում բերման է ենթարկվել 41 անձ, այդ թվում՝ նախկինում դատապարտվածներ:

Արագածոտնում բերման է ենթարկվել 28 անձ, այդ թվում՝ քրեական հեղինակություններ և նախկինում դատապարտված անձինք:

Միջադեպ Երևանում․ կան բերման ենթարկվածներ - Sputnik Արմենիա
Ոստիկանությունը զբաղվում է տրանսվիստիտների կռվի դեպքով. տեսանյութ

Սյունիքի ոստիկանները բերման են ենթարկել 65 անձի, այդ թվում՝ Սյունիքում բնակվող քրեական հեղինակությունների ու նախկինում դատապարտվածների։

Ոստիկանության տարածած հաղորդագրության մեջ նշվում է, որ բոլոր բերման ենթարկվածների հետ տարվել են պրոֆիլակտիկ բնույթի աշխատանքներ։

Հիշեցնենք` հունիսի 6-ին ՀՀ վարչապետ Նիկոլ Փաշինյանը կառավարության նիստում հայտարարել էր, որ Հայաստանում հայտնված սևազգեստ խմբերի հարցը պետք է լուծել, տեղորոշել, ծաղկավոր բաբոչկեն կապել` հնարավորինս վառ ծաղիկներով, և ճանապարհել քաղաքակիրթ, օրինական կյանքի։

Լրահոս
0