Օշականի կամրջի հարևանությամբ ապօրինի տեղադրված լողավազանն ապամոնտաժվեց 

© Photo : Facebook / Յաշա ՍոլոմոնյանБассейн под историческим мостом в Ошакане
Бассейн под историческим мостом в Ошакане - Sputnik Արմենիա
Բաժանորդագրվեք
Օշականի կամրջի հարևանությամբ լողավազանը տեղադրվել էր առանց լիազոր մարմնի թույլտվության։

ԵՐԵՎԱՆ, 5 Հուլիս — Sputnik. Պետության կողմից պահպանվող հանրապետական նշանակության մշակութային հուշարձանների ցանկում ընդգրկված Օշականի կամրջի հարևանությամբ տեղադրված արհեստական լողավազանն ապամոնտաժվել է։ Այս մասին Sputnik  Արմենիայի հետ զրույցում հայտնեց Օշական համայնքի ղեկավար Արամ Ներսիսիյանը։

Канатка в Татеве - Sputnik Արմենիա
Տեսնել և՛ Արագածը, և՛ Արարատը. Հայաստանում ուզում են յուրատեսակ ճոպանուղի կառուցել

Ինչպես արդեն հայտնել էինք, օրերս սոցիալական կայքերում բուռն քննադատության էր արժանացել Օշականի կամրջի տարածքում լողավազանի տեղադրումը։ Պատմամշակութային արգելոց թանգարանների ու պատմական միջավայրերի պահպանության ծառայությունը դիմել էր Արագածոտնի մարզպետին` լողավազանը հուշարձանի տարածքից ապամոնտաժելու պահանջով։

«Լողավազանը նոր էր տեղադրվել` հուլիսի 2–ին ու մենք չէինք էլ հասցրել այն նկատել։ Ահազանգից ու դեպքի մասին տեղեկանալուց հետո Արագածոտնի մարզպետը հրահանգել էր այն ապամոնտաժել։ Երեկ լողավազանի ջուրը դատարկեցինք, իսկ այսօր ժամը 14։00–ի դրությամբ լողավազանն ամբողջությամբ ապամոնտաժվեց»,–ասաց Ներսիսյանը։

Մարզպետարանից հաստատեցին, որ լողավազանը տեղադրվել էր առանց լիազոր մարմնի թույլտվության։ «Հուշարձանին կից կան օբյեկտներ, որոնցից մեկի տնօրենին էլ պատկանում էր այն»,–հայտնեցին մարզպետարանից։

Օշականի կամուրջը կառուցվել է 1706թ–ին։

Հինգ բան, որ պետք է անել Հայաստանում. ռուս զբոսաշրջիկի խորհուրդները

Հիշեցնենք` Օշականի ձոր կոչվող տարածքում այսօր բազմաթիվ նման հանգստի գոտիներ են գործում, որոնցից շատերն ունեն իրենց լողավազանները։ Դրանցում հանգստացողներին ժամավճարով հանգստի տարածքներ ու տաղավարներ են տրամադրվում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала