ԵՐԵՎԱՆ, 6 հուլիսի — Sputnik. Մաքսիմ Գալկինը ռուսաստանցի ամենաթանկ «կորպորատիվ» արտիստն է։ Նրա ելույթը մասնավոր խնջույքի ժամանակ մոտ 60 հազար դոլար արժե։ Ամենահայտնի ու թանկ արտիստների հոնորարները հրապարակել է «Կոմսոմոլսկայա պրադվա» պարբերականը։
Ինչպես Գրիգոր Աղախանյանը բուժեց Արամոյի ատամը, իսկ Լուսինե Թովմասյանը դարձավ դիվանագետ
Եվգենի Պետրոսյանն իրեն շատ ավելի համեստ է պահում, նա պատրաստ է ուրախացնել խնջույքի հյուրերին իր կատակներով ընդամենը 9 հազար դոլարով։
Հումորի ժանրում ելույթ ունեցող հեռուստատեսային աստղերը ամենամեծ պահանջարկն են վայելում խնջույքների, հոբելյանների, հարսանիքների ժամանակ, քանի որ նրանք բազմաֆուկցիոնալ են՝ կարող են ոչ միայն կատակել, այլև երգել ու կրեատիվ որևէ բան հորինել։
Արտիստների մի մասը «բարտերի» էլ է համաձայն։ Օրինակ՝ արտիստը ապահովում է էլիտար հյուրանոցի հյուրերին, դրա փոխարեն վճարում են նրա հանգստի ու տրանսֆերի դիմաց։ Ըստ կայքի նման պայմաններով համաձայն են ելույթ ունենալ «Ուրալսկի պելմենի» թիմի անդամները։
Comedy Woman-ի աստղերի ու Եվգենի Պետրոսյանի համար նման պայմաններն անընդունելի են։
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Մասնավոր միջոցառման անհատական ելույթը սովորաբար 30-40 րոպե է տևում։ Մաքսիմ Գալկինը դրա դիմաց 50 հազար եվրո է վերցնում։ Ալեքսանդր Ռևան՝ մոտ երկու միլիոն ռուբլի, Յուլյա Միխալկովան՝ մոտ 850 հազար ռուբլի։ «Կրիվոե զերկալո» հաղորդման արտիստները, օրինակ՝ Վլադիմիր Դանիլեցը, Վլադիմիր Մոիսենկոն կամ Ալեքսանդր Մորոզովը համաձայն են 150-300 հազար ռուբլու դիմաց ներկայացնել իրենց ծրագիրը։ «Անշլագ» հաղորդման արտիստները մոտավորապես նույն հոնորարն են վերցնում։ Ելենա Վորոբեյը, Կլարա Նովիկովան, Նիկոլայ Լուկինսկին, Գենադի Վետրովը ելույթ են ունենում 200-400 հազար ռուբլու դիմաց։
