Մերօրյա ասպետը. Սամվել Ալեքսանյանը պարգևատրվել է «Մանթաշյանց ասպետ» ոսկե շքանշանով

© Sputnik / Asatur YesayantsДепутат НС Армении Самвел Алексанян
Депутат НС Армении Самвел Алексанян - Sputnik Արմենիա
Բաժանորդագրվեք
Yandex newsTelegram
Նախկինում «Մանթաշյանց ասպետ» ոսկե շքանշանով պարգևատրվել էր Տարոն Մարգարյանը, Գարեգին Նուշիկյանը։

ԵՐԵՎԱՆ, 8 հուլիսի — Sputnik. «Ոսկե ծիրան» կինոփառատոնի շրջանակներում գործարար Սամվել Ալեքսանյանը պարգևատրվել է «Մանթաշյանց ասպետ» ոսկե շքանշանով։

Շքանշանն Ալեքսանյանին հանձնել է կինոփառատոնի հիմնադիր, Կինեմատոգրաֆիստների միության նախագահ Հարություն Խաչատրյանը։

Церемония открытия XVI международного кинофестиваля «Золотой абрикос» - Sputnik Արմենիա
16-ամյա «Ոսկե ծիրանն» ու նոր տարբերանշանը. տոնական ֆոտոշարք

«Այսօր, վերջապես, ուզում ենք մեր շնորհակալությունը հայտնել Սամվել Ալեքսանյանին։ Մանթաշյանը մեծանուն բարերար է եղել և միշտ աջակցել է մշակույթին։ Կարծում եմ`Ալեքսանյանն արժանի է այս մեդալին»,–ասաց Խաչատրյանը։

Հիշեցնենք, որ 2014–ին այս շքանշանով էր պարգևատրվել Երևանի նախկին քաղաքապետ Տարոն Մարգարյանը, 2011–ին ՀՀԿ նախկին պատգամավոր, «Նուշիկյան» ասոցիացիայի նախագահ Գարեգին Նուշիկյանը։

Հիշեցնենք նաև, որ երեկ`հուլիսի 7–ին, Երևանի Կարեն Դեմիրճյանի անվան մարզահամերգային համալիրում կարմիր գորգով մեկնարկեց «Ոսկե ծիրան» 16-րդ միջազգային կինոփառատոնը:

Самвел Алексанян - Sputnik Արմենիա
Սամվել Ալեքսանյանն արտոնություն ստացավ. Թուրքիայից ներմուծելը ձեռնտու է

Այս տարի փառատոնը փոփոխություն է կրել. փոխվել է փառատոնի ղեկավար կազմը, փոխվել է դիզայնը, տարբերանշանը, վերանայվել են բազում գաղափարներ:

Միջազգային կինոփառատոնն աշխարհի տարբեր երկրներից ստացել է մասնակցության ավելի քան 740 հայտ, ինչպես նաև ընտրվել են մի շարք կինոնկարներ աշխարհի հեղինակավոր կինոփառատոններից՝ Կաննից, Բեռլինից, Ռոտերդամից: Փառատոնն ունենալու է միջազգային լիամետրաժ (խաղարկային և վավերագրական), ինչպես նաև կարճամետրաժ ֆիլմերի տարածաշրջանային մրցույթներ, իսկ արտամրցութային ծրագիրը ներառելու է «Տարածաշրջանային համայնապատկեր» մրցույթը: Մնացած ծրագրերը ոչ մրցութային են. դրանք են՝ «Երևանյան պրեմիերաներ», «Հետահայաց ցուցադրություններ», «Հարգանքի տուրք»:

Լրահոս
0