Սևանի սառը շերտը վնասվել է. նախարարը պարզաբանեց` ինչ է կատարվում լճում

© Photo : Karen HovhannisyanПобережье озера Севан около городского пляжа со стороны Мартуни (5 июля 2019). Гегаркуник
Побережье озера Севан около городского пляжа со стороны Мартуни (5 июля 2019). Гегаркуник - Sputnik Արմենիա
Բաժանորդագրվեք
НовостиTelegram
Քրեական գործերը կպարզեն, թե ով կամ ովքեր են մեղավոր Սևանա լճի այսօրվա վիճակի համար:

ԵՐԵՎԱՆ, 9 հուլիսի — Sputnik. Կապտականաչ ջրիմուռների աճ դիտարկվում է ոչ միայն Սևանում, այլև Բայկալ լճում, Սև ծովում ու այլ ջրային ավազաններում: Այս մասին այսօր ԱԺ ամբիոնից հայտարարեց Շրջակա միջավայրի նախարար Էրիկ Գրիգորյանը` արձագանքելով պատգամավոր Էդմոն Մարուքյանի` Սևանում տեղի ունեցող գործընթացների մասին պաշտոնական պարզաբանում ներկայացնելու պահանջին:

Министр охраны природы Армении Эрик Григорян на внеочередном заседании НС (7 июня 2018). Еревaн - Sputnik Արմենիա
ՌԱԴԻՈ
Գրիգորյան. «Լճում տեղադրված ցանցավանդակները ևս նպաստում են Սևանում ջրիմուռների բազմացմանը»

Ինչ վերաբերում է Սևանին, նախարարը նշեց, որ պատճառները մի քանիսն են. նախ Սևանա լիճն են լցվում Գեղարքունիքի մարզի բոլոր կեղտաջրերը, այդ թվում` առափնյա հյուրանոցների ու ռեստորանների, երկրորդ պատճառը ջրի տակ մնացած կանաչ տարածքներն են, որտեղից նույնպես մեծ քանակությամբ օրգանական նյութեր են լցվում լիճ, իսկ երրորդ և հիմնական պատճառն, ըստ Գրիգորյանի, Սևանի սառը շերտի վնասվելն էր, որը տեղի է ունեցել լճի մակարդակի իջնելու հետևանքով:

«Լճի 6 մետր բարձրացումը պետք է բերի այդ սառը շերտի պահպանությանը, ինչը հնարավորություն կտա, որ այդ օրգանական նյութերի աճը պակասի, և լճի ջուրը մնա բարձր որակի»,- ասաց նախարարը:

Պատճառների թվում շրջակա միջավայրի նախարարը հիշատակեց նաև իշխանի բուծման ցանցավանդակային տնտեսության առկայությունը լճում:

Էրիկ Գրիգորյանը վստահեցրեց, որ նախարարությունը մշտադիտարկումներ է իրականացնում և համագործակցում միջազգային գիտական կազմակերպությունների հետ` փորձելով խնդրին գիտական լուծումներ գտնել:

Коровы - Sputnik Արմենիա
Սևանի ափին կովեր են սատկել. ի՞նչ կապ ունի լճի կանաչած ջուրը. լուսանկարներ

Պատգամավոր Գայանե Աբրահամյանն էլ բարձրացրեց պատասխանատուներին պատասխանատվության կանչելու հարցը:

Գրիգորյանը հիշեցրեց, որ դատախազությունը քրեական գործեր է հարուցել ՋՕԸ-ների կողմից 2.8 մլրդ դրամի տարբեր կեղծիքներ կատարելու ու կեղծ պայմանագրերի փաստերով:

«Նաև, եթե չեմ սխալվում քրեական գործ կա հարուցված Արփա-Սևան թունելի հարցով, որի ավարտին պարզ կլինի, թե այս աշխատանքները ինչքանով են օբյեկտիվ ու սուբյեկտիվ եղել»,- ասաց նախարարը:

Նա նաև նշեց, որ նախարարությունը դատախազություն է ուղարկել ափամերձ տարածքների մաքրման վերաբերյալ իր կատարած վերլուծության տվյալները, որոնց հիման վրա ևս որոշակի գործողություններ կիրականացվեն:

Լրահոս
0