«Արարատ-Արմենիան» ձախողվեց Շվեդիայում և դուրս մնաց Չեմպիոնների լիգայից

© Photo : Facebook / FC Ararat-ArmeniaБолельщики ФК "Арарат-Армения" наблюдают за тренировкой команды перед началом матча квалификационного раунда Лиги Чемпионов УЕФА против команды "АИК" (17 июля 2019). Сольна
Болельщики ФК Арарат-Армения наблюдают за тренировкой команды перед началом матча квалификационного раунда Лиги Чемпионов УЕФА против команды АИК (17 июля 2019). Сольна - Sputnik Արմենիա
Բաժանորդագրվեք
Միայն մեկ խաղակես Հայաստանի չեմպիոնին հաջողվեց անառիկ պահել սեփական դարպասը ԱԻԿ-ի հետ Չեմպիոնների լիգայի որակավորման առաջին փուլի պատասխան խաղում:

ԵՐԵՎԱՆ, 17 հուլիսի — Sputnik. Շվեդիայի մայրաքաղաք Ստոկհոլմում Չեմպիոնների լիգայի որակավորման 1–ին փուլի պատասխան խաղում Հայաստանի չեմպիոն «Արարատ- Արմենիան» 1։3 հաշվով պարտություն կրեց Շվեդիայի չեմպիոն ԱԻԿ–ից։

Առաջին խաղակեսում մեր տղաներին հաջողվեց անառիկ պահել սեփական դարպասը։

Футбольный матч ЧЕ U-19 между молодежными сборными Португалии и Испании (17 июля 2019). Еревaн - Sputnik Արմենիա
Իսպանիայի և Պորտուգալիայի մինչև 19 տարեկանների հավաքականները հաղթողին չկարողացան որոշել

Երկրորդ կեսում շվեդները բացեցին հաշիվը, զարգացրին իրենց հաջողությունն ու այս խաղում հաղթանակի հասան 3:1 հաշվով, իսկ դիմակայությունում` 4:3 հաշվով:

ԱԻԿ - «Արարատ-Արմենիա» պատասխան խաղից առաջ տարբեր կարծիքներ էին հնչում դիմակայության վերջնական արդյունքի վերաբերյալ: Այն, որ Հայաստանի չեմպիոնին հեշտ չի լինելու, պարզ էր առաջին խաղից հետո, բայց մեր թիմն էլ հեշտ մրցակցություն թույլ չտվեց մրցակցին:

Շվեդներն առաջին խաղի համեմատ մի քանի փոփոխություններ էին կատարել մեկնարկային կազմում ու, բնականաբար, խաղի սկզբից գնացին առաջ` իրենց բախտը որոնելու համար: «Արարատ-Արմենիան» չէր պատրաստվում միայն պաշտպանվել: Եղան հակագրոհներ, որոնք ունեցան իրենց տրամաբանական ավարտը՝ հարված դարպասին: Բայց, այնուամենայնիվ, առավելությունը մրցակցի կողմն էր: Չնայած գոլային պահեր որպես այդպիսին չունեին ոչ մերոնք, ոչ էլ ԱԻԿ-ը: Առաջին կեսի վիճակագրությամբ` մերոնք նույնիսկ առավելություն ունեին հարվածներով՝ 7-ը 3-ի դիմաց, բայց երկու կողմերն էլ ընդամենը մեկ դիպուկ հարված էին կատարել:

Тренировка футболистов сборной Армении в преддверии матча отборочного тура Евро-2020 против сборной Греции (10 июня 2019). Афины - Sputnik Արմենիա
Նոր ակումբներ, նոր անուններ. ովքե՞ր են հայկական ֆուտբոլի հովանավորները

Մեզ համար բավականին լավ ընթացող խաղի երկրորդ կեսը սկսվեց ցավալի պահով: Շվեդների կազմում խաղի 47-րդ րոպեին Հենոկ Գոյտոմը բացեց խաղի հաշիվնն ու «Արարատ-Արմենիան» արդեն երկու խաղերի արդյունքով, չնայած ոչ ոքիին, պարտվում էր մրցակցին, քանի որ շվեդները մեկ գնդակ խփել էին Հայաստանում կայացած խաղում: Սակայն ԱԻԿ-ը այդքանով չբավարարվեց: Հինգ րոպե անց նույն Գոյտոմը կրկնապատկեց շվեդների առավելությունը: Իսկ 62-րդ րոպեին դիմակայության ելքը վճռվեց: «Արարատ-Արմենիայի» դարպասին նշանակվեց 11 մետրանոց, որն էլ հստակ իրացրեց Սեբաստիան Լարսոնը:

Մեր թիմի համար, անկասկած, հույս էր Անտոն Կոբյալկյի խփած գնդակը հանդիպման 77-րդ րոպեին: Արդեն պարտվում էինք 1:3, բայց ևս մեկ գոլ խփելու դեպքում «Արարատ-Արմենիան» կարող էր շարունակել պայքարը Չեմպիոնների լիգայում: Սակայն ավելին անել Վարդան Մինասյանի թիմին չհաջողվեց:

Ֆուտբոլը տոն է, ԵՎՐՈ-2019-ը՝ առավել ևս, բայց կիսադատարկ ստադիոնով ի՞նչ տոն

Այսպիսով` «Արարատ-Արմենիան» Չեմպիոնների լիգայում իր դեբյուտը նշեց հաղթանակով, բայց պարտությամբ ու դուրս մնաց այս խաղարկությունից։ Հայաստանի չեմպիոնը շարունակելու է հանդես գալ արդեն Եվրոպայի լիգայի խաղարկությունում, որտեղ որակավորման երկրորդ փուլում հյուրընկալելու է Ջիբրալթարը ներկայացնող «Լինքոլն Ռեդ Իմպս» թիմին:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала