Շերեմետևոյի ինքնաթիռի դեպքի մանրամասները՝ ականատեսներից. տեսանյութ

© Photo : screenshot from vesti.ruСпасая внучку, мужчина спрыгнул с крыла и сломал ногу
Спасая внучку, мужчина спрыгнул с крыла и сломал ногу - Sputnik Արմենիա
Բաժանորդագրվեք
НовостиTelegram
Շերեմետևոյում ծխով լցված ինքնաթիռի ուղևորը իջեցրել է թոռանը փչովի սանդուղքով, իսկ ինքը թռել ինքնաթիռի թևից ու վնասվածք  ստացել։

ԵՐԵՎԱՆ, 19 հուլիսի - Sputnik. Մոսկվայի «Շերեմետևո» օդանավակայանում Nordwind Airlines ավիաընկերության Boeing 737 ինքնաթիռում Մոսկվա-Երևան չվերթի ժամանակ սրահում առաջացած ծխի պատճառով ուղևորների շրջանում խուճապ է սկսվել։ Տարհանման ժամանակ հրմշտոցի հետևանքով ուղևորներից ոմանք վնասվածք են ստացել։ Այս մասին «Ռոսիա» հեռուստաալիքին ասել է ինքնաթիռում եղած տղամարդը։

Միջադեպը տեղի է ունեցել այսօր։ Քաղաքացիական ավիացիայի կոմիտեի մամուլի ծառայությունը հայտնել էր, որ «Nordwind Airlines» ավիաընկերության ինքնաթիռում եղել է 187 մարդ, տուժել են 10-ը, որոնցից երկուսը հոսպիտալացվել են։

"РЕН ТВ"-ն հրապարակել է տարհանման ընթացքում հրմշտոցի հետևանքով  տուժածների ցանկը` Մելսիկ Ն.,  Ղահրամանյան Վ., Մարցինովսկայա Վ., Հարությունյան Ա., Աթանյան Տ.։

Ինքնաթիռի ուղևորներից մեկի խոսքով` բոլորը բղավում էին  ու համոզում նրան թռչել ինքնաթիռից, բայց նա որոշել է սկզբում փրկել թոռանն ու իջեցնել նրան փչովի սանդուղքով։ Հետո ցատկել է ինքնաթիռից ու կոտրել ձեռքը։

Հայտնի է` ինչու է Երևան–Մոսկվա չվերթն իրականացնող ինքնաթիռում ծուխ լցվել

Ավելի վաղ Հովհաննես անունով երիտասարդ ականատեսն ասել էր, որ թռիչքուղու վրա արագություն հավաքելու ընթացքում սկսել է մեծ քանակությամբ ծուխ լցվել ինքնաթիռի սրահ, որի արդյունքում խուճապ է սկսվել։

«Երևան էինք ուղևորվում, ինքնաթիռը սկսեց շարժվել ու սրահը լցվեց ծխով։ Ահավոր ծուխ էր։ Բոլորը խուճապի մատնվեցին, սկսեցին գոռալ։ Կեցցե՛ օդաչուն. արագ արձագանքեց ու ժամանակին կանգնեցրեց ինքնաթիռը»,- նշեց նա։

Նշենք` ավելի ուշ քաղաքացիներին հնարավորություն տրվեց ռեզերվային ինքնաթիռով Երևան թռչել։ ՌԴ–ում ՀՀ դեսպանատան տվյալների համաձայն` 19 մարդ հրաժարվել են այլ ինքնաթիռից օգտվել։ Մոսկվայից մեկնած երկրորդ  ինքնաթիռը բարեհաջող վայրէջք է կատարել Երևանում։

Լրահոս
0