Քաղաքագետ Ստյոպա Սաֆարյանը ավտովթարի է ենթարկվել

© Sputnik / Aram NersesyanСтолетие Национального Собрания РА (20 сентября 2018). Еревaн
Столетие Национального Собрания РА (20 сентября 2018). Еревaн - Sputnik Արմենիա
Բաժանորդագրվեք
Yandex newsTelegram
Քաղաքագետ, ԱԺ նախկին պատգամավոր Ստյոպա Սաֆարյանի Lexus-ը կողաշրջվել է:

ԵՐԵՎԱՆ, 12 հուլիսի – Sputnik. Քաղաքագետ Ստյոպա Սաֆարյանը ավտովթարի է ենթարկվել։ Այս մասին հայտնում է SHAMSHYAN.com-ը։

Ըստ տեղեկությունների՝ այսօր՝ հուլիսի 21-ին, ժամը 13։30-ի սահմաններում Ս. Սաֆարյանը իր վարած Lexus մակնիշի 07 RX 907 համարանիշի ավտոմեքենայով Տավուշի մարզի Ծաղկավան գյուղի վարչական շրջանում դեռևս անհայտ պայմաններում դուրս է եկել երթևեկելի գոտուց և կողաշրջվել։

Բարեբախտաբար, տուժածներ չկան։

Дорожно-транспортное происшествие на перекрестке улиц Гарегина Нжде и Чехова (2 июля 2019). Еревaн - Sputnik Արմենիա
Խոշոր ավտովթար Երևանում. կանգառում կանգնածները հազիվ են փրկվել. լուսանկարներ

Ոստիկանությունը պարզում է՝ արդյո՞ք Ս. Սաֆարյանը ավտոմեքենայում ուղևորներ ունեցել է, թե ոչ։

Քիչ առաջ Սաֆարյանն իր Facebook–յան էջում գրառում է կատարել։

«Սիրելի ընկերներ, ինչպես արդեն տեղյակ եք ԶԼՄ-ներից, այսօր Տավուշի մարզում իմ ավտոմեքենայով վթարի ենթարկվեցինք (ավտոմեքենայի աջ անվադողերը մի փոքր դուրս եկան կողնակ, որտեղի խիճն ու փոսը անկառավարելի դարձրին մեքենան): Մեքենայում գտնվողներից  ոչ մեկը որևէ կերպ կամ չափով չի տուժել»,-գրել է քաղաքագետը։

Սաֆարյանը զարմանքով նշել է, որ ոչ ոք անգամ քերծվածք չունի։

«Որքան էլ զարմանալի լինի, ոչ մի խազ չկա որևէ մեկի վրա, ինչի համար շնորհակալ եմ Աստծուն և ճակատագրին»,–գրել է Սաֆարյանը։

Քաղաքագետը շնորհակալություն է հայտնել բոլորին  ուշադրության, անհանգստության ու մաղթանքների համար՝ նշելով, որ իրենք ողջ և անվնաս շարունակում են նշել Վարդավառը։

Վթար Տավուշում. շրջանավարտին տեղափոխող ավտոմեքենան գյուղի ճանապարհին կողաշրջվել է

Լրահոս
0