ԵՐԵՎԱՆ, 25 հուլիսի — Sputnik. Ազգային անվտանգության ծառայության տնօրեն, գեներալ-մայոր Արթուր Վանեցյանի հանձնարարականով կազմակերպված քննարկման ժամանակ բարձրացվել են հարցեր, որոնք վերաբերել են քաղաքացիների դիմում-բողոքներին, հանցագործության մասին հաղորդումներին։ Այս մասին նշված է ԱԱԾ–ի կայքում։
«Վանեցյանի հանձնարարականով տեղի է ունեցել աշխատանքային քննարկում։ Այն նվիրված էր քրեադատավարական օրենսդրության առանձին հիմնադրույթներին և օպերատիվ-հետախուզական գործունեության իրականացման իրավակարգավորումներին»,–նշված է հաղորդագրության մեջ։
Քննարկմանը ներկա են եղել ԱԱԾ տնօրենի տեղակալ, գնդապետ Էդուարդ Մարտիրոսյանը, քննչական դեպարտամենտի պետ, գնդապետ Արթուր Աղաջանյանը և ԱԱԾ տարածքային ստորաբաժանումների ղեկավար անձնակազմը:
Արթուր Վանեցյանն ասել է` ինչից է ինքն ամաչում
Հանդիպման ընթացքում քննարկվել են առանձին քննչական գործողությունների և օպերատիվ-հետախուզական միջոցառումների իրականացման հիմքերին ու պայմաններին առնչվող հարցեր: Անդրադարձ է եղել Մարդու իրավունքների եվրոպական դատարանի և ՀՀ վճռաբեկ դատարանի նախադեպային պրակտիկայի վերջին զարգացումներին:
Հանդիպման ավարտին, ամփոփելով քննարկման արդյունքները, մասնակիցները կարևորել են համապատասխան ոլորտներում որոշակի օրենսդրական փոփոխությունների կատարման անհրաժեշտությունը:
Արթուր Վանեցյանն ասաց, թե որ դեպքում է պատրաստ պատասխան տալ օրենքի և հասարակության առաջ
