Սարսափելի կադրեր` մանկական խաղահրապարակում երիտասարդ կնոջ սպանությունից. 18+

© Photo : СК РФВ Московской области задержан подозреваемый в убийстве женщины на детской площадке
В Московской области задержан подозреваемый в убийстве женщины на детской площадке - Sputnik Արմենիա
Բաժանորդագրվեք
НовостиTelegram
Տղամարդը դանակի 20 հարված է հասցրել իր նախկին ընկերուհուն, այնուհետև թաքնվել է, ասես` սպանողը ինքը չէր։

ԵՐԵՎԱՆ, 26 հուլիսի – Sputnik. Ռամենսկայա փողոցում գտնվող մանկական խաղահրապարակում Նատալյա Բասովոյի սպանության կադրերը հայտնվել են համացանցում։ Տեսանկարահանող սարքերի ֆիքսած կադրերը տեղադրվել են Telegram–ում, Mash ալիքում։

Տեսանյութում երևում է, որ մարդասպանը Նատալյային մոտենում է հետևի կողմից, որը նստած է խաղահրապարակի նստարաններից մեկի վրա, և բոլորի աչքի առաջ սկսում է դանակով հարվածել կնոջը։ Կինը տեղում մահանում է։

Երևանում 15 և 16 տարեկան պատանիներ են դանակահարվել

Կատարվածից սարսափած ականատեսներն իրենց երեխաներին արագ գրկում ու փախչում են դեպքի վայրից` կարծելով, որ մարդասպանը իրենց էլ կարող է վնասել։ Բայց վերջինս իր «սև գործն» ավարտին հասցնելուց հետո թողնում ու հեռանում է սպանության վայրից։

«Նա հանեց դանակը, որսորդական մի մեծ դանակ, այն երկու անգամ խրեց կնոջ մեջքի մեջ, վիզը կտրեց ու գնաց» – պատմում են ականատեսները։

Սպանվածը 27 տարեկան էր, աշխատում էր մանկապարտեզում և ապրում էր մանկապարտեզի հարակից տարածքում վարձակալած բնակարանում։ Նա խնամում և մեծացնում էր իր 5–ամյա աղջկան։ Նատալյան ամուսնուց բաժանվել էր, որից հետո Տամբովից տեղափոխվել էր Ռամենսկայա փողոց։

Ռուսաստանի Դաշնության քննչական կոմիտեի տվյալներով` մահացածի դուստրը հիվանդանոց է տեղափոխվել շոկային վիճակում։ Նրան խնամում է հարազատ մորաքույրը։ Դեռ հայտնի չէ`երեխան տեսել է սպանությունը, թե ոչ։

 Նատալյայի լավագույն ընկերուհին`Նադեժդա Լեժուկովան, 360tv.ru–ին պատմել է, որ սպանվածի դուստրը սեփական ուժերով է փրկվել, ոչ ոք նրան չի օգնել։ Նադեժդան նաև հայտնել է, որ սպանության մեջ կասկածվող Արտյոմ Շուստովի մասին ոչինչ չի իմացել, թեպետ Նատալյան իրեն հաճախ է պատմել իր երկրպագուների մասին, բայց Շուստովի մասին ոչինչ չի ասել։

38-ամյա Շուստովը  ձերբակալվել է։

Լրահոս
0