Մանվել Գրիգորյանը կմնա կալանքի տակ. գրավի միջնորդությունն անհիմն է

© Sputnik / Asatur YesayantsМанвел Григорян на судебном заседании по своему делу (25 июня 2019). Еревaн
Манвел Григорян на судебном заседании по своему делу (25 июня 2019). Еревaн - Sputnik Արմենիա
Բաժանորդագրվեք
Դատարանը Մանվել Գրիգորյանի փաստաբանների միջնորդությունը` կապված նրա առողջական վիճակի հետ անհիմն է համարում։

ԵՐԵՎԱՆ, 30 հուլիսի — Sputnik. ԵԿՄ նախկին նախագահ, գեներալ-լեյտենանտ Մանվել Գրիգորյանը կմնա կալանքի տակ։ Նրա փաստաբանների միջնորդությունը դատարանն անհիմն որակեց։

Գրիգորյանի պաշտպան Լևոն Բաղդասարյանն այսօր դատական նիստում անգամ միջնորդել էր իր պաշտպանյալի նկատմամբ ընտրված խափանման միջոց կալանքը փոխարինել մինչև 25 մլն դրամ գրավով։

Манвел Григорян и адвокат Арсен Мкртчян на судебном заседании по своему делу (25 июня 2019). Еревaн - Sputnik Արմենիա
«Զինվորի բաժինը» կվերադարձվի պետությանը. դատարանը թույլ տվեց վաճառել Գրիգորյանի գույքը

Ըստ փաստաբանի` միջնորդության համար հիմք է ծառայել «Նաիրի» ԲԿ–ում օրեր առաջ Մանվել Գրիգորյանի նկատմամբ կատարված համալիր հետազոտությունը, որի համաձայն, նրա առողջական վիճակը կրկնակի բարդացել է։

Մանվել Գրիգորյանի գործով հաջորդ դատական նիստը կկայան օգոստոսի 20–ին։

Հիշեցնենք` ս.թ. հունիսի 6–ին Մանվել Գրիգորյանը ծայրահեղ ծանր վիճակով «Դատապարտյալների հիվանդանոց» ՔԿՀ–ից տեղափոխվել էր քաղաքացիական հիվանդանոց, որտեղ մինչ օրս բուժում է ստանում։ Առողջական վիճակով պայմանավորված Մանվել Գրիգորյանը չի մասնակցում դատական նիստին։

Բժիշկներն այցելել են Մանվել Գրիգորյանին. լրացուցիչ հետազոտությունների կարիք կա. պաշտպան

Հիշեցնենք` Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала