Ինչու է ԱՄՆ-ն կրճատել Հայաստանին տրամադրվող օգնությունը. պարզաբանում է Զարեհ Սինանյանը

© Sputnik / Aram NersesyanЗаре Синанян в гостях агенства Sputnik Армения
Заре Синанян в гостях агенства Sputnik Армения - Sputnik Արմենիա
Բաժանորդագրվեք
Yandex newsTelegram
Զարեհ Սինանյանը կարծում է, որ Ամերիկայի կառավարության նման որոշումը պայմանավորված չէ հայ համայնքի հետ խնդիրների հետ։

ԵՐԵՎԱՆ, 31 հուլիսի — Sputnik. ԱՄՆ-ն որոշել է կրճատել Foreign Assistance ծրագրի շրջանակում Հայաստանին տրամադրվող ֆինանսական օգնությունը, քանի որ Սիրիայի հարցում Հայաստանի և Ռուսաստանի դիրքորոշումը համընկնում է։ Sputnik Արմենիայի հետ զրույցում նման կարծիք հայտնեց Սփյուռքի գործերի գլխավոր հանձնակատար Զարեհ Սինանյանը։

Доллары США и иранские риалы - Sputnik Արմենիա
Ռևիզորները գալիս են Հայաստան. ԱՄՆ պաշտոնյաները ցուցումներ կտան` ինչպես աշխատել Իրանի հետ

Ավելի վաղ հայտնի էր դարձել, որ ԱՄՆ–ն մտադիր է կրճատել Հայաստանին տրամադրվող ֆինանսական աջակցությունը  Foreign Assistance–ով 2020 թվականին։ 

Սինանյանի կարծիքով`  Միացյալ Նահանգների որոշումը պայմանավորված չէ հայկական դիրքերի թուլացման կամ ներհամայնքային խնդիրների հետ։ Ավելին, ըստ նրա, ԱՄՆ հայ համայնքը բավականին կուռ է և փորձում է ազդել նախագահի ու պետդեպարտամենտի վրա, որպեսզի Հայաստանի նկատմամբ բալանսավորված մոտեցում ցուցաբերվի։

«Կա երկու ցավալի իրողություն. Ադրբեջանը մնում է նավթադոլարային բռնատիրական պետություն, ու ԱՄՆ ունի նման պետությունների հետ մոտիկից համագործակցելու ավանդույթ։ Երկրորդն ավելի ակտուալ է` ԱՄՆ–ն ցավագին է ընդունում ՀՀ–ի և ՌԴ–ի համագործակցությունը Սիրիայում, ինչն արդարացված չէ, քանի որ Սիրիայում հայ համայնքը կործանվեց արևմուտքի կողմից աջակցություն ստացող ահաբեկչական խմբավորումների գործողությունների հետևանքով», – ասաց Սինանյանը։

Работа экспертно-криминалистического центра - Sputnik Արմենիա
Թմրանյութեր Իրանից ու ԱՄՆ–ից. անօրինական ճանապարհով ներկրումը Հայաստան կանխվել է.տեսանյութ

Նա նշեց, որ միայն Ռուսաստանի, Իրանի ու այլ պետությունների միջամտության շնորհիվ հնարավոր եղավ փրկել այն, ինչ կա հիմա։ Ավելին, Սինանյանը հիշեցրեց, որ Հայաստանը մասնագետների խումբ է ուղարկել Սիրիա, որոնք փրկում են խաղաղ բնակչության կյանքը։

Հիշեցնենք` այս տարվա փետրվարի 8-ից Հալեպում Հայաստանից մեկնած մարդասիրական առաքելության կազմում ներգրավված է 83 մարդ։ Հայ մասնագետները զբաղվում են մարտական գործողություններից դուրս գտնվող գոտիների ականազերծմամբ, բնակչությանն իրազեկում են ականների մասին և բնակիչներին բուժօգնություն տրամադրում։

Ինչ գաղափարի շուրջ կարելի է համախմբել Ռուսաստանի և աշխարհի բոլոր հայերին` գիտի Սինանյանը

Նշենք, որ հակամարտությունից առաջ հայ համայնքը շուրջ 110 հազարի էր։ Սփյուռքահայերն հիմնականում ապրում էին Հալեպում (60 հազար մարդ), Դամասկոսում (7 հազար), Լաթաքիայում, Քեսաբում և Ալ-Կամիշլիում։ Տարբեր տեղեկությունների համաձայն` պատերազմական գործողությունների հետևանքով ավելի քան 90 հազար հայ լքել է Սիրիան։ 

Սփյուռքի հանձնակատար՝ նախարարի փոխարեն. մնում է տեսնել` կլինե՞ն գործեր կենացների փոխարեն

ՀՀ ԱԳՆ տվյալներով` Հայաստանն ապաստան է տրամադրել Սիրիայից ժամանած ավելի քան 22 հազար քաղաքացու։ Մեր երկիրը փախստականներին ապաստան տրամադրած թվով երրորդ պետությունն է Եվրոպայում։

 

Լրահոս
0