ԵՐԵՎԱՆ, 31 հուլիսի — Sputnik. Ամերիկա-մեքսիկական սահմանին տեղադրված պատնեշի երկաթե ձողերի արանքով անցկացրած վարդագույն ճոճանակների տեսանյութը համացանցի այսօրվա հիթն է դարձել։ Տեսանյութը Instagram–ում տարածել է հայտնի ճարտարապետ Ռոնալդ Ռաելը։ Կադրերում երևում է` ինչպես են պատնեշի երկու կողմից երեխաները խաղում ճոճանակի վրա։
View this post on Instagram
Հակառակ քաղաքական որոշումների՝ մարդկանց միասնության մասին պատմող գաղափարը Ռաֆայելինն ու Վիրջինիայի կոլումբիական համալսարանի պրոֆեսոր Սան–Ֆրատելլոյինն է։ Նրանք դեռ տասը տարի առաջ էին պատրաստվում կյանքի կոչել այդ նախագիծը։
Տեսանյութում երևում է, որ հեղինակներին հաջողվել է լիովին իրագործել այդ գաղափարը։
Անսովոր ճոճարանը հուզել է տասնյակ հազարավոր օգտատերերի, նրանք բազում մեկնաբանություններ են գրել։
Ամերիկա–մեքսիկական պատը կառուցել է ամերիկյան իշխանությունը` ԱՄՆ–ի ու Մեքսիկայի ցամաքային սահմանին։ Պատնեշի ընդհանուր երկարությունը 1078, Մեքսիկայի հետ սահմանի երկրարությունը` 3145 կիլոմետր է։
ԱՄՆ-ի ու Մեքսիկայի միջև բաժանարար պատի կառուցումը ԱՄՆ 45–րդ նախագահ Դոնալդ Թրամփի նախընտրական ծրագրի գլխավոր կետերից մեկն էր։
2018 թվականի նոյեմբերին ԱՄՆ նախագահը հրաման է ստորագրել, որի համաձայն ԱՄՆ–ն չպետք է ապաստան տրամադրի մեքսիկացի փախստականներին։ Բանն այն է, որ մեքսիկացիներից շատերը աղքատությունից ու բռնությունից ԱՄՆ են փախչում։
«Պուտինը հիանալի տղա է, հանդիպումը հրաշալի անցավ». Թրամփ
Այս տարվա հուլիսի 26–ին ԱՄՆ Գերագույն դատարանը թույլ է տվել Թրամփին 2,5 միլիարդ դոլար օգտագործել ամերիկա–մեքսիկական սահմանին պատնեշի շինարարությունը շարունակելու համար։
