300 տարվա մեջ 1–ին անգամ. «Տիգրան Մեծ» օպերան կբեմադրվի արքայի հայրենիքում

© Sputnik / Aram NersesyanПресс-конференция по теме начала подготовки к премьерной постановке оперы "Тигран Великий" (1 августа 2019). Еревaн
Пресс-конференция по теме начала подготовки к премьерной постановке оперы Тигран Великий (1 августа 2019). Еревaн - Sputnik Արմենիա
Բաժանորդագրվեք
Հայաստանի պետական ֆիլհարմոնիայի տնօրենի համար «Տիգրան Մեծ» օպերան այստեղ բեմադրելը դարձել է ճակատագիր, ապրելու և ստեղծագործելու մոտիվացիա:

ԵՐԵՎԱՆ, 1 օգոստոսի — Sputnik. Հայոց արքա Տիգրան Մեծին նվիրված շուրջ քառասուն օպերա է հայտնի. որքան ուրախալի է այդ 40 օպերաների գոյության փաստը, նույնքան էլ ամոթալի է, որ նրանցից ոչ մեկը չի բեմադրվել Տիգրան Մեծի հայրենիքում: Այս մասին այսօր Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ ասաց Հայաստանի պետական ֆիլհարմոնիայի տնօրեն Գագիկ Մանասյանը։

© Sputnik / Aram Nersesyan Գագիկ Մանասյան
300 տարվա մեջ 1–ին անգամ. «Տիգրան Մեծ» օպերան կբեմադրվի արքայի հայրենիքում - Sputnik Արմենիա
Գագիկ Մանասյան

««Տիգրան Մեծ» օպերայի բեմադրությունը կարող է հայերիս  խորհելու տեղ տալ, թե ինչպես և ինչու կորցրինք ծովից ծով Հայաստանը, որի տարածքը 3.000.000 քառ. կմ էր, իսկ այսօր ունենք 30.000 քառ. կմ տարածքով պետություն»,- ասաց Մանասյանը:

Վերջին 300 տարվա ընթացքում կոմպոզիտոր Յոհան Ադոլֆ Հասեյի «Տիգրան Մեծ» օպերան առաջին անգամ կբեմադրվի Երևանում:

© Sputnik / Aram NersesyanՋորջ Փեհլիվանյան
300 տարվա մեջ 1–ին անգամ. «Տիգրան Մեծ» օպերան կբեմադրվի արքայի հայրենիքում - Sputnik Արմենիա
Ջորջ Փեհլիվանյան

«Տիգրան Մեծ» օպերայի նախապատրաստական աշխատանքները մեկնարկել են 2019 թվականի մայիս ամսից: Օպերան գրված է «բարոկկո» երաժշտական ոճով, որն ունի հստակ օրենքներ, երաժշտական ինքնատիպ գործիքակազմ, ոչ մետաղական լարեր, երկար աղեղներ և այլն: Հայաստանում համապատասխան մասնագետների բացակայությունը լրացուցիչ դժվարություններ են ստեղծում օպերան բեմադրելու համար:

© Sputnik / Aram NersesyanԳեորգի Իսահակյան
300 տարվա մեջ 1–ին անգամ. «Տիգրան Մեծ» օպերան կբեմադրվի արքայի հայրենիքում - Sputnik Արմենիա
Գեորգի Իսահակյան

«Որպես դիրիժոր երջանիկ եմ, որ «Տիգրան Մեծ» օպերան Հայաստանում պետք է  բեմադրվի և նոր կյանք ստանա»,-ասաց  ամերիկահայ աշխարհահռչակ դիրիժոր, «Տիգրան Մեծ» օպերայի գլխավոր դիրիժոր Ջորջ Փեհլիվանյանը, որը Հայաստան է հրավիրվել Մանասյանի կողմից:

Կրքերը բորբոքվել են. оպերայի թատրոնում քննարկում էր - Sputnik Արմենիա
«Արա–ն պապդ ա». օպերայի թատրոնում թեժ քննարկում էր. տեսանյութ

Sputnik Արմենիայի հարցին, թե ի՞նչ միջոցներով եք պատրաստվում «Տիգրան Մեծ» օպերան բեմադրել, Մանասյանը նշեց, որ ֆինանսական խնդիրը լուծելու համար դեռ նախապատրաստական փուլ պետք է անցնեն: «Ես դեռ ոչ մեկին չեմ դիմել և չեմ ասել, որ նման նախաձեռնություն ենք անում: Կդիմեմ, երբ նախապատրաստական աշխատանքները կիրականացնենք, ֆինանսական խնդիրն էլ կլուծենք: Դուք վստահ եղեք օպերան լինելու է։ Ես անգամ երդվել եմ, դա ինձ համար դարձել է ճակատագիր, ապրելու և ստեղծագործելու մոտիվացիա»,–ասաց Մանասյանը:

Օպերայի բեմադրիչը Ռուսաստանի Դաշնության ժողովրդական արտիստ Գեորգի Իսահակյանը նշում է, որ «Տիգրան Մեծ» օպերան Հայաստանում բեմադրելը հիանալի, բայց դժվար աշխատանք է լինելու: 

Մեծ պրեմիերա. Ստանիսլավսկիում 21–րդ դարում առաջին անգամ կբեմադրվի «Ռոմեո և Ջուլիետ» պիեսը

Առաջիկա օրերին կորոշվի թե ովքեր են երգելու օպերայում: Մանասյանի խոսքով` իրենք մի քանի երգչի արդեն ընտրել են, բայց վերջնական խոսքը պետք է ասի դիրիժորը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала