Ստամբուլյան կոնվենցիայի վավերացմանը հաշված շաբաթներ են մնացել. «Ժողովուրդ»

© AP Photo / Darko VojinovicЛюди держат транспарант с надписью: "Остановите Стамбульскую конвенцию, за суверенную Хорватию!"во время протеста против международной конвенции (24 марта 2018). Загреб
Люди держат транспарант с надписью: Остановите Стамбульскую конвенцию, за суверенную Хорватию!во время протеста против международной конвенции (24 марта 2018). Загреб - Sputnik Արմենիա
Թերթը կառավարության 2019-2023 թվականների գործունեության միջոցառումների ծրագրից որոշ մանրամասներ է ներկայացրել։

ԵՐԵՎԱՆ, 6 օգոստոսի — Sputnik. «Ժողովուրդ» օրաթերթն իր այսօրվա համարում անդրադարձել է աղմուկ հանած Ստամբուլյան կոնվենցիային։

«Չնայած կառավարությունը դեռ չի դիմել Սահմանադրական դատարան ԵԽ-ի «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին» կոնվենցիայի սահմանադրականությունը որոշելու համար, և ոչ էլ ստացվել է Վենետիկի հանձնաժողովի եզրակացությունը, պարզվում է՝ հայտնի Ստամբուլյան կոնվենցիայի վավերականացման համար նույնիսկ ժամկետներ են նախանշված եղել»,–գրում է թերթը։

Армен Бадалян - Sputnik Արմենիա
ՌԱԴԻՈ
Բադալյան. «Ստամբուլյան կոնվենցիան PR զենք է իշխանության և ընդդիմության համար»

Մասնավորապես, այս տարվա մայիսի 16-ի որոշմամբ՝ ՀՀ կառավարությունը հաստատել է 2019-2023 թվականների գործունեության միջոցառումների ծրագրի կատարումն ապահովող միջոցառումների ցանկը, և այդ ծրագրում ներկայացված են առաջիկա անելիքները, և ամրագրված են դրանց ժամկետները։

Եվ ահա, այդ նախագծից թերթը տեղեկացել է, որ միջոցառման իրականացման ժամկետ նախանշված է սեպտեմբերի երկրորդ տասնօրյակը։

«Եվ այս պարագայում տեղեկություններն ու մեկնաբանությունները, թե կառավարությունը չի շտապում կոնվենցիայի վավերացման հարցում, ի չիք են դառնում, քանի որ փաստացի ժամկետ վաղուց է նախանշված»,–գրում է թերթը։

Ստամբուլի կոնվենցիան (կամ «Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիան») կնքվել է 2011թ.–ին Թուրքիայի Ստամբուլ քաղաքում։ Եվրոպայի խորհրդի անդամ 47 պետություններից կոնվենցիան վավերացրել են 34-ը, ստորագրել` 11-ը, այդ թվում՝ Հայաստանը։ Ռուսաստանը և Ադրբեջանը չեն ստորագրել այն, իսկ Բուլղարիան կոնվենցիան հակասահմանադրական է ճանաչել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала