«Այստեղ սադիստ չկա». գնդապետը չի ընդունում իր «աջ ձեռքի» հասցեին հնչած մեղադրանքները

© Photo : Garik HarutyunyanПолковник Армен Гезалян
Полковник Армен Гезалян - Sputnik Արմենիա
Գյոզալյանը վստահեցնում է, որ խրախուսում է միայն այն սպաներին, որոնք իրենց լիազորությունների սահմաններում բարեխղճորեն կատարում են իրենց պարտականությունները։

ԵՐԵՎԱՆ, 10 օգոստոսի – Sputnik. Զորամասի սպան գետնին ընկած զինվորների վրայով չի քայլել: Այս մասին լրագրողներին ասաց Արցախի զորամասերից մեկի գնդապետ Արմեն Գյոզալյանը՝ պատասխանելով «Լրագրողներ հանուն մարդու իրավունքների» հասարակական կազմակերպության հնչեցրած մեղադրանքներին։

Солдаты срочной службы на тренировке по строевой ходьбе - Sputnik Արմենիա
«Մայրս ուզում էր, որ հայրենիքում ծառայեմ»․ արտերկրից եկած հայերի բանակային պատմությունները

Ավելի վաղ ՀԿ-ն հոդված էր հրապարակել, որում պնդում է, թե Գյոզալյանը ղեկավարում է սպաների խումբ, որոնք մշտապես բռնության են ենթարկում զինվորներին ու սադիստական պատիժներ կիրառում նրանց նկատմամբ։

Սիրով կհամագործակցեմ ապրիլյան դեպքերն ուսումնասիրող հանձնաժողովի հետ. Տոնոյան 

Հոդվածում նշվում է, որ Գյոզալյանի տեղակալ մայոր Արթուր Ֆահրադյանը՝ նրա «աջ ձեռքը», մեկ տարի առաջ զինվորներին պառկեցրել է գետնին և քայլել նրանց վրայով:

Այսկերպ մայորը պատժել է տղաներին այն բանի համար, որ նրանք «Քուն» հրամանից հետո ննջասենյակում հաց են կերել։

«Խոսքը մեկ տարի առաջ տեղի ունեցած միջադեպի մասին է, բայց ես հերքում եմ դա. այն, ինչի մասին նշված է հոդվածում (զինվորների վրայով քայլել, –խմբ․), չի եղել։ Այնտեղ ամեն ինչ աղավաղված է ներկայացված։ Ֆահրադյանը փորձել է ձեռք բարձրացնել զինվորի վրա ու պատիժ է կրել դրա համար», - ասաց Գյոզալյանը։

Նրա խոսքով՝ հոդվածում սխալ է նշված նույնիսկ ոչ կանոնադրային վարք  դրսևորելու մեջ մեղադրվող սպայի պաշտոնը։

Ինքը՝ Ֆահրադյանը, շարունակում է ծառայությունը։ Գյոզալյանն ասում է, որ Ֆահրադյանը «նորմալ սպա է», և նա չի եղել նշված միջադեպի հրահրողը։

«Ինչ վերաբերում է սադիզմի մեջ մեղադրելուն ու զորամասը «հանցավորության որջ» ու բոլորին «սադիստ» անվանելուն՝ ապա դրանք միայն վարկաբեկող խոսքեր են մարտական հերթապահություն իրականացնող զորամասի նկատմամբ։ Այստեղ սադիստ չկա», - ասաց Գյոզալյանը։

Министр обороны Армении Давид Тоноян во время оперативных сборов командного состава (25 марта 2019). Еревaн - Sputnik Արմենիա
Հայաստանը վերջին 15 տարիների ընթացքում խաղաղապահության լուրջ փորձ է կուտակել. Տոնոյան

Ինչ վերաբերում է նրան, որ զորամասում բազմաթիվ դատապարտված սպաներ կան՝ Գյոզալյանի խոսքով, իրականում զորամասում երեք նման մարդ կա, և նրանք պայմանական են դատապարտված։

Դրանցից մեկը հոդվածում հիշատակվող սպան է (Ֆահրադյանը), մյուս երկուսը դատապարտվել են տեխնիկական պատճառներով (զենքի կորուստ ու ՃՏՊ)։

Անդրադառնալով հենց իր հասցեին հնչած մեղադրանքներին՝ Գյոզալյանը նշեց, որ տարբեր զորամասերում է ծառայել, մինչ այժմ ոչ մի նման հաղորդում չի եղել, ինչո՞ւ է ամեն ինչ փոխվել հենց այս զորամասում։

Նա ընդգծեց, որ խրախուսում է միայն այն սպաներին, որոնք իրենց լիազորությունների սահմաններում բարեխղճորեն կատարում են իրենց պարտականությունները։

Մեր հատուկ ջոկատայինները կարող են քաոս ստեղծել հակառակորդի թիկունքում. Տոնոյան

Նշենք, որ «Լրագրողներ հանուն մարդու իրավունքների» ՀԿ-ի մեկ ուրիշ հոդվածում էլ նշվում է, որ սա զորամասում բռնության կիրառման միակ դեպքը չէ։ Հղում անելով ՀՀ դատախազությանը, նրանք հայտնում են, որ 2019 թվականի փետրվարին ևս մեկ քրեական գործ է հարուցվել վերադասի կողմից ենթակայի հանդեպ բռնության կիրառման փաստով։ Մեղադրանք է առաջադրվել հինգ մարդու։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала