Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ

© Sputnik / Armenuhi MkhoyanАвтопробег "Ширак"
Автопробег Ширак - Sputnik Արմենիա
Բաժանորդագրվեք
Yandex newsTelegram
Լեռներ, ձորեր, կիրճեր, գետեր ու համարձակություն. Արդյունքում՝ ադրենալին, որը կբավարարի մինչև հաջորդ ավտոարշավը: Ավտոարշավների սիրահարների համար նմանատիպ դժվարանցանելի տարածքները սեփական ամենագնացով հաղթահարելն աննկարագրելի հաճույք է:

ԵՐԵՎԱՆ, 17 օգոստոսի — Sputnik Արմենուհի Մխոյան. Շիրակի Ցողամարգ  գյուղի ավերված եկեղեցում առավոտ շուտ մոմ վառելուց հետո «Շիրակ» ավտոարշավի մասնակիցները ճամփա ընկան։

Նոր դահլիճ և թիկնաթոռներ, նոր խաղացանկ. էլ ինչ անակնակալ ունի Գյումրու Աճեմյանի թատրոնը

Հայրենի երկիրը ճանաչելու նախաձեռնությամբ արդեն 3-րդ տարին է իրականացվում  է այս ավտոարշավը։ Այսօր առավոտյան 10։00-ից, ամենագնացները անցան Բանդիվան-Սեպասար-Կարմրավան-Հարթաշեն-Մուսայելյան բնակավայրերի դաշտերով, լեռներով ու ձորերով և հասան «Թռչկանի» ջրվեժ։ Այս տարի ավտոարշավին միացել են  Xterra Club Armenia  ակումբի անդամները:

© Sputnik / Armenuhi Mkhoyan«Շիրակ» ավտոարշավ
Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ - Sputnik Արմենիա
«Շիրակ» ավտոարշավ

Նախաձեռնության հեղինակը ՀՀ ՊՆ մամուլի խոսնակ Արծրուն Հովհաննիսյանինն է: Ի դեպ, արշավը, որպես ավանդույթ մեկնարկում է Արծրուն Հովհաննիսյանի ծննդավայրից՝ Ցողամարգ  գյուղից։ «Մենք  որոշել ենք  արշավներ անել մեր երկիրը, բնությունը, պատմամշակութային հուշարձաններն ու գեղատեսիլ վայրերը բացահայտելու ու ճանաչելի դարձնելու համար: Բարեբախտաբար, տարեցտարի ավելանում են մարդիկ, ովքեր հետաքրքրություն են դրսևորում մեզ միանալու:

© Sputnik / Armenuhi Mkhoyan«Շիրակ» ավտոարշավ
Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ - Sputnik Արմենիա
«Շիրակ» ավտոարշավ

Աշխատում ենք  հատկապես Շիրակի հյուսիսային բոլոր սիրուն տարածքներն անցնել ու ավարտել «Թռչկանով», որն անասելի գեղեցիկ վայր է»,-նշեց Արծրուն Հովհաննիսյանը: Շիրակում շատ են դժվարանցանելի ճանապարհները, վարար գետերն ու քարապատ սարերը: Շատ են նաև սարի գյուղական ճանապարհները, որտեղ դարեր շարունակ մարդիկ սայլերով են անցել, այստեղ ամեն անգամ բացահայտում ես մի նոր  արահետ: 

© Youtube/ Sputnik Армения«Շիրակ» ավտոարշավ
Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ - Sputnik Արմենիա
«Շիրակ» ավտոարշավ

Պարզվում է` էքստրիմի սիրահարներ Հայաստանում շատ կան, բայց, եթե  մի մասն արդեն  անանցանելի վայրերը հաղթահարելու փորձն ունի, ապա մյուսներն առաջին անգամ էին, բայց նրանք վստահեցնում էին, որ առաջին փորձը հաստատ վերջինը չի լինի:

© Sputnik / Armenuhi MkhoyanԱրմինե Ղազարյանը
Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ - Sputnik Արմենիա
Արմինե Ղազարյանը

Շիրակ աշխարհի լեռներն ու գետերը «նվաճելու»  գաղափարին այս անգամ միացել էր նաև Արմինե Ղազարյանը։ Ավտոարշավի ողջ ընթացքում Արմինեն  մեքենան վարելու արհեստավարժությամբ ու սարերը բարձրանալու հմտությամբ կոտրեց կարծրատիպը՝  կինը շատ ավելի լավ վարորդ է՝ մեքենայի հանդեպ ավելի ուշադիր ու իր քաջությամբ չի զիջում տղամարդուն:

Праздник “День города” в Гюмри - Sputnik Արմենիա
8 մլն դրամ` Գյումրու օրվա համար.ինչ միջոցառումներ են լինելու. քաղաքապետը փակագծեր է բացում

«Առաջին անգամ է, որ անհաղթահարելի բարձունքը հաղթահարեցի:  Զգացողությունս աննկարագրելի է: Ու հատկապես, որ աղջիկ եմ, բոլորը սպասում էին այլ ընթացքի, բայց հիասթափեցրի արական սեռի ներկայացուցիչներին: Առաջին անգամ էր, նաև որ այս մեքենան փորձարկեցի իր ողջ կարողությամբ»,-ուրախությունը չթաքցնելով պատմում է Արմինեն։

Ավտոարշավի մասնակիցներից շատերի համար էքստրիմից բացի սա նաև առօրյա կյանքից կտրվելու լավագույն եղանակն է: «Շիրակ» ավտոարշավը նախաձեռնողները խոստովանում են՝ մինչ այս միշտ ամառային եղանակներին են կազմակերպել արշավներ, կմտածեն նաև ձմեռային սեզոնի մասին, բայց դա էլ ավելի շատ համարձակություն ու հմտություն կպահանջի:

Լրահոս
0