Ռուսաստանից հեռու Գյումրիում հարգեցին ռուս-թուրքական պատերազմում զոհվածների հիշատակը

© Sputnik / Armenuhi MkhoyanВ Гюмри состоялось мероприятие, посвященное памяти 240 военных, павших в русско-турецких войнах 19 века
В Гюмри состоялось мероприятие, посвященное памяти 240 военных, павших в русско-турецких войнах 19 века - Sputnik Արմենիա
Բաժանորդագրվեք
НовостиTelegram
Արդեն 9-րդ տարին է, ինչ Գյումրի այցելած հյուրերը լինում են նաև «Պատվո բլուր»  հուշահամալիրի տարածքում, ծանոթանում հուշահամալիրի պատմությանն ու այն հերոսական դրվագներին, որոնք տեղի են ունեցել 19-րդ դարում հենց այս նույն տարածքում: Այսօր արդեն 240 ռուս սպայի ու զինվորի աճյուն է ամփոփված այստեղ:

ԵՐԵՎԱՆ, 20 օգոստոսի — Sputnik. Գյումրիում այսօր՝ օգոստոսի 20-ին, կրկին ոգեկոչեցին 1828, 1855 և 1877-1878 թվականներին ռուս-թուրքական պատերազմում  զոհված 240 զինվորականներին։

Начальник военной полиции Армении, полковник Артур Багдасарян посетил 102-ую военную базу (7 февраля 2019). Гюмри - Sputnik Արմենիա
Ռազմական ոստիկանության պետն այցելել է Գյումրու 102-րդ ռազմակայան

Ի հիշատակ նրանց, ում աճյուններն ամփոփված են Գյումրիի «Պատվո բլուրում»,   ծաղիկներ ու ծաղկեպսակներ դրվեցին, հնչեցին երկու երկրների օրհներգերը, կատարվեց հիշատակի կարգ՝ ձեռամբ ռուս ուղղափառ եկեղեցու բարեշնորհ սարկավագ Տիմոֆեյի: Իսկ մինչ այդ ներկաները 1 րոպե լռությամբ հարգեցին նրանց հիշատակը:

Միջոցառմանը  ներկա էին մարզային ու քաղաքային իշխանությունների ներկայացուցիչները, ՌԴ փոխհյուպատոս Դմիտրի Գրիդնյովը, պաշտոնատար այլ անձինք, 102-րդ ռազմաբազայի և սահմանապահ ջոկատի զինվորներ և սպաներ: ՌԴ փոխյուպատոսը կարևորեց նմանօրինակ հիշատակի միջոցառումները, որոնք խոսում են հայ և ռուս ազգերի դարավոր բարեկամության մասին: Նա ողջ հյուպատոսության անունից շնորհակալություն հայտնեց բոլոր նրանց, ովքեր եկել էին հարգելու 19-րդ դարի ռուս-թուրքական պատերազմում զոհված  հերոսների հիշատակը: 

 ««Պատվո  բլուրը» երկու ազգերի դարավոր բարեկամության վառ ապացույցն է: Ըստ պատմական աղբյուրների՝ հենց այստեղ են իրենց վերջին հանգրվանը գտել 240 սպա  ու  զինվոր: Հենց այս բլուրի վերականգնումն է  խոսում դարերի  խորքից եկող կապի մասին: 9 տարի առաջ երկու երկրների նախագահների կողմից բացված այս հուշահամալիրը մասունք է  հավատարմության ու բարեկամության»,-նշեց ՌԴ փոխհյուպատոս Դմիտրի Գրիդնյովը:

Շիրակի փախմարզպետ Վարդան Գրիգորյանն, իր հերթին, կարևորեց հայ և ռուս ժողովուրդների դարավոր բարեկամությունը՝ նշելով, որ «Պատվո բլուր» հուշահամալիրի բացումն իրապես պատմական իրադարձություն կարելի է համարել: «Ինը  տարի առաջ` օգոստոսի 20-ին, բացվեց այս հուշահամալիրը։ Հանդիսավոր արարողությանը մասնակցեցին ՌԴ և ՀՀ նախագահները: Այս իրադարձությունն առավել սերտացրեց հայ-ռուսական բազմադարյա բարեկամությունը: Հուշահամալիրի վերաբացումը ևս մեկ ապացույց էր, որ մեր երկու ժողովուրդները փառքով են հիշում և խնկարկում իրենց այն որդիներին, որոնք զոհվել են հանուն ազատության»,-նշեց փոխմարզպետ Վարդան Գրիգորյանը:

Ռուսաստանի պաշտպանության փոխնախարարն այցելել է Գյումրու 102–րդ ռազմաբազա
2009թ. Շիրակի և ՌԴ Ուլյանովսկի մարզերի իշխանությունների նախաձեռնությամբ ու հայ-ռուսական բարեգործական «Պատվի գործ» կազմակերպության համատեղ ջանքերով այս տարածքում իրականացվել են բարեկարգման և վերակառուցման աշխատանքներ, կառուցվել է ռուս սպաների հիշատակը հավերժացնող հուշարձան։

Լրահոս
0