ԵՐԵՎԱՆ, 24 օգոստոսի — Sputnik. Արցախի Մարտունու շրջանում, ըստ նախնական տեղեկությունների, ցուլի հարվածից 39–ամյա մի տղամարդ է մահացել։ Այս մասին հայտնում է Արցախի ոստիկանությունը։
«Օգոստոսի 23-ին, ժամը 10:00-ին անհայտ քաղաքացուց ահազանգ է ստացվել ԱՀ ոստիկանության Մարտունու շրջանային բաժին առ այն, որ Ամարասի վարչական տարածքի դաշտում կա տղամարդու դիակ: Ամարասի անասնաֆերմայի հարակից դաշտում հայտնաբերվել է Մարտունու շրջանի բնակիչ, 39-ամյա Ս. Թ-ի դիակը»,–նշված է հաղորդագրության մեջ:
Դիակի արտաքին զննությամբ հայտնաբերվել են մարմնական վնասվածքներ: Նախնական տեղեկություններով` Ս.Թ-ն մահացել է ցուլի հարվածների հետևանքով։
«Արայի ամրոց» ռեստորանային համալիրում մատուցողներից մեկը դանակահարել է 3 գործընկերներին
Ստուգմամբ զբաղվում է ԱՀ քննչական կոմիտեն: Նշանակվել է դիակի դատաբժշկական փորձաքննություն: