Թղիթ ամրոց, Ծաղկեվանք մատուռ. Ծաղկունյաց լեռներում թաքնված պատմական անցյալի անխոս վկաները

Բաժանորդագրվեք
Yandex newsTelegram
«Հայաստանի թաքնված գեղեցկությունը» նախագծի շրջանակում Sputnik Արմենիան ներկայացնում է Հայաստանի բնության այն գեղատեսիլ վայրերը, որոնք անմատչելի կամ չճանաչված լինելու պատճառով թաքնված են մնում հանրության աչքից։

Հաղորդաշարի նկարահանող խումբն այցելում է հայաստանյան բնության հատուկ պահպանվող տարածքներ` իր ռեպորտաժներում բացահայտելով Հայաստանի բնության թաքնված գեղեցկությունը։

Հերթական ուղևորությունը դեպի Կոտայքի մարզ է` Երևանից ընդամենը 10 կմ հեռավորության վրա գտնվող Ծաղկունյաց լեռնաշղթա` լեռան լանջին կառուցված Ծաղկեվանք մատուռ ու Աշոտ Երկաթին վերագրվող միջնադարյան Թղիթ ամրոց։

Չինարիի Սբ. Խորանաշատ վանական համալիրը - Sputnik Արմենիա
Խորանաշատ. առասպել և իրականություն. այցելություն սահմանապահ վանք. տեսանյութ

Կոտայքի Թեղենիք գյուղից մինչև Ծաղկեվանք ճանապարհը երկար չէ, բայց անբարեկարգ է ու դժվարամատչելի։

Թեղենիքն այսօր նորակառույց եկեղեցի ունի, բայց գյուղացիները, ավանդույթի ու հավատքի ուժով, շարունակում են հնադարյան մատուռում նշել իրենց եկեղեցական տոներն ու ընտանեկան ուրախությունները։

Դեպի մատուռ մեզ ուղեկցեց Թեղենիքի գյուղապետ Մարատ Բաղդասարյանը, իսկ դեպի ամրոց` նրա համագյուղացի Մանվել Գևորգյանը։

Ծաղկեվանքից դեպի միջնադարյան բերդ տանող ճանապարհն անցնում է լեռներով։ Այնտեղ, որտեղով գյուղտեխնիկա է անցել, գրունտային ճանապարհը փոքր-ինչ հաղթահարելի է դարձել։ Իսկ գյուղական արոտավայրերից այն կողմ ճանապարհ պարզապես չկա։ Դեպի Թղիթ ամրոց վերջին մի քանի կիլոմետրը ստիպված էինք հաղթահարել ոտքով։ Բայց հանուն պատմական կառույցի գեղեցկության արժեր անցնել դժվարին վերելքը։

Լրահոս
0