Լեհաստանի ԱԳՆ-ն զբաղվում է Հայաստանում մահացած զբոսաշրջիկի դին հայրենիք տեղափոխելու հարցով

© Sputnik / Asatur YesayantsПосол Польши в Армении Павел Чеплак на церемонии открытия улицы им. Лемкина (11 декабря 2018). Еревaн
Посол Польши в Армении Павел Чеплак на церемонии открытия улицы им. Лемкина (11 декабря 2018). Еревaн - Sputnik Արմենիա
Լեհաստանի դեսպանատունը միջադեպից անմիջապես հետո կապ է հաստատել աղջկա հետ՝ նրան ամեն հարցում աջակցելու համար։

ԵՐԵՎԱՆ, 15 սեպտեմբերի - Sputnik. Լեհաստանի ԱԳՆ-ի Կենտրոնական ապարատը զբաղվում է Արագածում մահացած Պյոտր Բարլոգայի դին հայրենիք տեղափոխելու հարցով։ Այս մասին Sputnik Արմենիայի հետ զրույցում ասաց Հայաստանում Լեհաստանի դեսպան Պավել Չեպլյակը։

Медведи Ереванского зоопарка - Sputnik Արմենիա
Արագած լեռան վրա արջի հարձակման զոհ դարձած երիտասարդը 33 տարեկան էր. նոր մանրամասներ

«Դեսպանատան հյուպատոսական բաժանմունքը զբաղվում է ողջ մնացած զբոսաշրջիկի խնդրով։ Մենք անհապաղ Վարշավա տեղեկացրել ենք պատահարի մասին։ ԱԳՆ-ի Կենտրոնական ապարատը քննարկում է մահացած զբոսաշրջիկի հուղարկավորման ու ողջ մնացած աղջկան սատարելու հարցերը», - ասաց դեսպանը։

Հայաստանում գտնվող զբոսաշրջիկ, ազգությամբ լեհ տղան իր նշանածի հետ բարձրացել էր Արագած լեռ։ Մոտ 3500 մետր բարձրության վրա արջը հանկարծակի հարձակվել է նրանց վրա։ Երիտասարդը սկսել է կռիվ տալ կենդանու հետ՝ փրկելով ընկերուհու կյանքը։

Հիշեցնենք, որ դեպքը տեղի է ունեցել սեպտեմբերի 14-ին:  Ժամը 14:26-ին «911» ծառայությունը Լեհաստանի Հանրապետության քաղաքացի Մարգո Ժ.-ից ահազանգ է ստացել, որ ինքն ու ընկերը (նույնպես Լեհաստանի Հանրապետության քաղաքացի) բարձրացել են Արագած լեռ, արջը հարձակվել է իրենց վրա։

«Պյոտրը հանկարծ կանգ առավ ու բղավեց». արջի հարձակման մասին պատմում է մահացած տղայի նշանածը

«Ամենայն հավանականությամբ՝ տղամարդն ուզեցել է պաշտպանել կնոջն ու փորձել է քշել արջին», - փոխանցում է լեհական Radio Zet-ը։

Հիշեցնենք՝ Պյոտրն ու Մարգոն մի քանի օր առաջ ավտոստոպով են Հայաստան եկել։ Նրանք ճանապարհորդել են երկրում ու որոշել են նաև Արագած բարձրանալ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала