Նախարարն ասել է` ինչպես օգնել երեխաներին և մեկնաբանել է գիշերօթիկների փակման հարցը

© Sputnik / Aram NersesyanМинистр труда и социальных вопросов Армении Заруи Батоян в гостях радио Sputnik
Министр труда и социальных вопросов Армении Заруи Батоян в гостях радио Sputnik - Sputnik Արմենիա
Բաժանորդագրվեք
Աշխատանքի և սոցիալական հարցերի նախարարը վստահեցրել է, որ գիշերօթիկում խնամվող երեխաներին ու նրանց ընտանիքներին ամեն կերպ աջակցելու են հաղթահարել հաստատությունների փակման խնդիրը։

ԵՐԵՎԱՆ, 18 սեպտեմբերի — Sputnik. Գիշերօթիկ հաստատությունների փակումը ո՛չ երեխաների, ո՛չ ընտանիքների համար ռիսկային չի լինի։ Այս մասին այսօր լրագրողների հետ հանդիպմանը հայտարարել է աշխատանքի և սոցիալական հարցերի նախարար Զարուհի Բաթոյանը։

ՀՀ Գիշերօթիկ հաստատություներում եվ պետական մանկատններում ապրող երեխաների թիվը - Sputnik Արմենիա
Քանի երեխա կա Հայաստանի գիշերօթիկներում ու մանկատներում

«Պետք է հիշել, որ գիշերօթիկում խնամվող երեխաները պարբերաբար` շաբաթ–կիրակի օրերին և ամբողջ ամառ, ապրում են իրենց կենսաբանական ընտանիքների հետ։ Պետությունը ոչ մի դեպքում չի վերադարձնի երեխային իր ընտանիք, եթե դա ռիսկային լինի։ Նախարարությունը SOS հիմնադրամի և Հայ օգնության ֆոնդի հետ համատեղ ամեն կերպ աջակցելու է ընտանիքներին», – ասաց նախարարը։

Բաթոյանն անդրադարձավ նաև մանկատների խնդրին։ Նրա խոսքով` հաստատություններից ոչ մեկը հավելյալ աջակցության կարիք չունի։

«Պետությունը լիովին ապահովում է հաստատություններին։ Եթե ուզում եք օգնել երեխաներին` աջակցեք նրանց ընտանիքներին», – նշել է Բաթոյանը։

Գիշերօթիկների լուծարումից հետո հերթը նաև մանկատներին է հասնելու

Հիշեցնենք, որ առաջիկայում լուծարվելու են Հայաստանում գործող բոլոր գիշերօթիկ հաստատությունները։ Ընդհանուր առմամբ, այդ կենտրոններում խնամվում է 260 երեխա։ Պետությունը գիշերօթիկների փակման որոշում է կայացրել` համարելով դրանց հոգման ծախսերն անարդյունավետ, իսկ երեխաների ընտանիքներում ապրելը` կարևոր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала