Այս իշխանությունը չի կարող մարդուն այն օրի հասցնել, որ ինքնասպանության դիմի. Ալեն Սիմոնյան

© Sputnik / Asatur YesayantsВице-спикер Национального собрания Ален Симонян на пленарном заседании Парламента Армении (5 марта 2019). Еревaн
Вице-спикер Национального собрания Ален Симонян на пленарном заседании Парламента Армении (5 марта 2019). Еревaн - Sputnik Արմենիա
Բաժանորդագրվեք
НовостиTelegram
Մարտի 1–ի գործը, ըստ Ալեն Սիմոնյանի, դեռ շատ ջուր կտանի։ Ուստի, նա կարծում է, որ Քոչարյանին բաց չթողնելու որոշումը ճիշտ էր։

ԵՐԵՎԱՆ, 24 սեպտեմբերի - Sputnik. Իշխանությունն այսքան ժամանակ չի դրսևորել իրեն որպես այնպիսի իշխանություն, որը կարող է մարդ սպանել, ծեծել, կամ մարդուն այն օրի հասցնել, որ ինքնասպանության դիմի: Այս մասին լրագրողների հետ զրույցում ասաց ՀՀ ԱԺ փոխնախագահ Ալեն Սիմոնյանը՝ անդրադառնալով նախկին ոստիկանապետ Հայկ Հարությունյանի ինքնասպանության թեմային ու նրա մահվան այլ հնարավոր վարկածներին։

Депутат НС Армении Алик Саркисян - Sputnik Արմենիա
Հայկն ուժեղ մարդ էր. Ալիկ Սարգսյանը` Հայկ Հարությունյանի ինքնասպանության վարկածի մասին

Նշենք, որ ԶԼՄ–ներում վարկածներ են շրջանառվում, թե հնարավոր է՝ Հարությունյանը նման քայլի է դիմել, քանի որ Մարտի 1–ի գործով վկա էր ու կարևոր ինֆորմացիա ուներ։

«Կա անձ, որին հրավիրել են հարցաքննության, և որը պետք է բացատրություն տա, թե ինչի մասին է ընդհանրապես խոսքը: Բացի այդ, նրա մահվան առնչությամբ տարբեր վարկածներ են շրջանառվում, ասում են` սպանել են, որ ցուցմունք չտա Մարտի 1-ի գործով: Չի կարելի գնալ այդ ճանապարհով: Պետք է սպասել, տեսնել, թե ինչ կլինի, քանի որ խոսքը մարդու կյանքի մասին է»,–ասաց նա։

Սիմոնյանի խոսքով` որևէ մեկը թող չկասկածի, որ բոլորին հայտնի է դառնալու, թե դեպքն ինչպես է իրականում եղել։

Автомобиль патрульной службы на улице Хаджяна - Sputnik Արմենիա
Հայկ Հարությունյանն առանձնատանը մենակ չի եղել. նոր մանրամասներ` նախկին ոստիկանապետի դեպքից

Հարցին՝ Մարտի 1-ի գործով վկաների անվտանգություն վերահսկման անհրաժեշտության կարիք կա՞ արդյոք, Սիմոնյանը պատասխանեց, թե Ռոբերտ Քոչարյանին բաց չթողնելու որոշումը ճիշտ էր։ «Այս գործը դեռ շատ ջուր կտանի, և այն վերաբերում է մի շարք բարձրաստիճան նախկին պաշտոնյաների, ՀՀ քաղաքացիների, նրանց ընտանիքներին։ Մյուս կողմից, մերօրյա Հայաստանը հանգիստ երկիր է»,–ասաց նա։

Հիշեցնենք, որ սեպտեմբերի 23–ին, ժամը 23։50 ոստիկանությունն ահազանգ է ստացել, որ Բջնիի իր առանձնատանը հայտնաբերվել է նախկին ոստիկանապետ Հայկ Հարությունյանի դին` գլխին հրազենային վնասվածքով:

Դեպքը կատարվելու պահին նա մենակ չի եղել, իսկ նրա հետ եղած կինն արդեն իսկ հարցաքննվել է։ Քննչական կոմիտեն հայտնել է նաև, որ մահից առաջ Հարությունյանը զգալի քանակությամբ ալկոհոլ է օգտագործել։

Լրահոս
0