ԵՐԵՎԱՆ, 24 սեպտեմբերի – Sputnik. «Հարավկովկասյան երկաթուղի» ՓԲԸ–ի Երևան-Թբիլիսի-Երևան գնացքն աշխատանքը կվերսկսի հոկտեմբերի 2-ից: Այս մասին հայտնում է ընկերության մամուլի ծառայությունը։
Տոմսերն արդեն վաճառվում են Երևանի, Գյումրու, Վանաձորի, Արմավիրի կայարաններում, Ստեփանակերտում, ինչպես նաև առցանց:
Երևանից գնացքը մեկնելու է Թբիլիսի ամսվա զույգ օրերին, ժամը 21:30-ին:
Թբիլիսիից Երևան գնացքը վերադառնալու է ամսվա կենտ օրերին, ժամը 20:20-ին:
Ուղևորությունը տևում է 10 ժամ 20 րոպե:
Տոմսերի գները տատանվում են 9 335 դրամից պլացկարտում վերևի տեղի համար, մինչև 19 685 դրամ՝ ննջավագոնում մեկ տեղի համար:
Չի կարելի Հարավկովկասյանի հարցը օդից կախված թողնել. Հայաստանում ՌԴ առևտրային ներկայացուցիչ
«ՀԿԵ» ՓԲԸ-ն «Ռուսական երկաթուղիներ» ԲԲԸ-ի դուստր ընկերությունն է, իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը 30 տարի է՝ կողմերի փոխադարձ համաձայնությամբ ևս 10 տարի երկարացման իրավունքով:
«Ռուսական երկաթուղիները» կխզի՞ պայմանագիրը. ՀՀ տրանսպորտի նախարարության մեկնաբանությունը
