Վճռաբեկ դատարանը Քոչարյանի փաստաբաններին չի ծանուցել, որ մերժել է նրանց բողոքները

© Sputnik / Asatur YesayantsРоберт Кочарян на судебном заседании (20 сентября 2019). Еревaн
Роберт Кочарян на судебном заседании (20 сентября 2019). Еревaн - Sputnik Արմենիա
Ռոբերտ Քոչարյանի փաստաբանական թիմը չի ծանուցվել Վճռաբեկ դատարանի՝ նրանց բողոքները մերժելու որոշման վերաբերյալ

ԵՐԵՎԱՆ, 25 սեպտեմբերի – Sputnik. ՀՀ երկրորդ նախագահ Ռոբերտ Քոչարյանի փաստաբանական թիմը դեռևս չի ստացել ծանուցումն այն մասին, որ Վճռաբեկ դատարանը վարույթ չի ընդունել ներկայացված բողոքները։ Այս մասին փաստաբանական խումբը հայտարարել է իր Facebook-յան էջում։

Реакция Роберта Кочаряна на оглашение решения суда о его освобождении под залог (20 сентября 2019). Еревaн - Sputnik Արմենիա
Քոչարյանը կմնա կալանքի տակ. «Դանիբեկյա՛ն, խելքով»-ը չօգնեց

«Նշենք, որ ըստ «Դատալեքս» տեղեկատվական կայքի՝ Վճռաբեկ դատարանի քրեական պալատը դեռևս սեպտեմբերի 20-ի որոշմամբ մերժել է վարույթ ընդունել Վերաքննիչ քրեական դատարանի՝ 2019 թվականի հունիսի 25-ի որոշման դեմ Ռոբերտ Քոչարյանի պաշտպանների բողոքը»,–ասվում է Քոչարյանի պաշտպանական խմբի հայտարարության մեջ։

Հունիսի 25-ին ՀՀ վերաքննիչ քրեական դատարանը, դատավոր Արմեն Դանիելյանի նախագահությամբ, բեկանել էր Երևանի ընդհանուր իրավասության դատարանի՝ մայիսի 18-ի որոշումը՝ վերացնելով Ռ․ Քոչարյանի նկատմամբ որպես խափանման միջոց ընտրված` Բակո Սահակյանի և Արկադի Ղուկասյանի անձնական երաշխավորությունը, և որպես խափանման միջոց ընտրել կալանավորումը:

Роберт Кочарян во время судебного заседания по делу 1 марта (17 сентября 2019). Еревaн - Sputnik Արմենիա
Ռոբերտ Քոչարյանի պաշտպանները վերաքննիչ բողոք են ներկայացրել

Հիշեցնենք՝ ՀՀ երկրորդ նախագահ Ռոբերտ Քոչարյանի փաստաբանական թիմը սեպտեմբերի 19-ին վերաքննիչ բողոք էր ներկայացրել Առաջին ատյանի դատարանի՝  Քոչարյանին կալանավորելու որոշման դեմ։

Սեպտեմբերի 4-ին Սահմանադրական դատարանը հրապարակել էր որոշումը, որով անվավեր է ճանաչել ՀՀ քրեական դատավարական օրենսգրքի 35-րդ հոդվածը`  նշելով, որ այն հակասում է ՀՀ Սահմանադրության մի շարք հոդվածների։

«Ես 100 տոկոս գիտեի, որ մեղադրանք է առաջադրվելու». Քոչարյանը պատմեց` ինչու է վերադարձել

Այս որոշումը հիմք ընդունելով ՝ Քոչարյանի փաստաբաններն Ընդհանուր իրավասության դատարանին միջնորդել էին անհապաղ վերացնել նախագահի խափանման միջոց կալանքը և դադարեցնել նրա նկատմամբ քրեական հետապնդումը։

Выступление премьер-министра Никола Пашиняна на митинге в Гранд Парке (22 сентября 2019). Лос-Анджелес - Sputnik Արմենիա
«Սերժ Սարգսյանը և Ռոբերտ Քոչարյանը կոպեկ առ կոպեկ հետ են վերադարձնելու թալանածը». Փաշինյան

Դատարանը, սակայն, դատավոր Աննա Դանիբեկյանի նախագահությամբ, սեպտեմբերի 17-ին հրապարակված որոշմամբ մերժել էր պաշտպանների միջնորդությունը։

Հիշեցնենք նաև, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала