Ոստիկանության պաշտոնյան հովանավորել է թմրաբիզնեսը. ՊԵԿ

© Sputnik / Asatur YesayantsПолицейские в Иджеване
Полицейские в Иджеване - Sputnik Արմենիա
Բաժանորդագրվեք
НовостиTelegram
ՊԵԿ Քննչական վարչությունը բացահայտել է Հայաստան թմրամիջոցների մաքսանենգ ներկրման հետևում կանգնած պաշտոնատար անձին։

ԵՐԵՎԱՆ, 26 սեպտեմբերի — Sputnik. Պետական եկամուտների կոմիտեի քննչական վարչությունում քննվող` Իրանի Իսլամական Հանրապետությունից խոշոր չափերի թմրամիջոցների մաքսանենգության քրեական գործի նախաքննության ընթացքում պարզվել է, որ մաքսանենգը մենակ չի գործել, ունեցել է պաշտոնյա հովանավոր։

Директор компании Спайка Давид Казарян в здании суда административных районов Кентрон и Норк-Мараш (8 апреля 2019). Еревaн - Sputnik Արմենիա
Իրանի քաղաքացու ուղեբեռում թմրանյութ է հայտնաբերվել. նա կալանավորվել է

Ինչպես հայտնում են ՊԵԿ–ից, ՀՀ քաղաքացի Տ.Գ-ի կողմից Իրանից թմրամիջոցների ապօրինի շրջանառության գործընթացը հովանավորել է ՀՀ ոստիկանության ստորաբաժանումներից մեկի պաշտոնյան:

Նա պարբերաբար հանդիպել է Տ.Գ-ին ու խորհուրդներ տվել` ինչ անել իրավապահ մարմինների տեսադաշտում չհայտնվելու համար։ Այս խորհրդատվության ու հովանավորչության դիմաց բարձրաստիճան ոստիկանը Տ.Գ-ից գումար է ստացել։

«Արթիկ» ՔԿՀ–ում դատապարտյալի մեղրի տարայի մեջ թմրամիջոցի նմանվող նյութ են հայտնաբերել

Ոստիկնության պաշտոնյայի նկատմամբ հարուցվել է քրեական գործ` պաշտոնեական լիազորությունները չարաշահելու դեպքի առթիվ (ՀՀ քրեական օրենսգրքի 308-րդ հոդվածի 1-ին մասով, այն է` պաշտոնեական լիազորությունները չարաշահելը): Գործն ուղարկվել է ՀՀ հատուկ քննչական ծառայություն` նախաքննություն իրականացնելու համար:

Լրահոս
0